Picha kwa hisani –

Vijana katika eneo la Dabaso Kaunti ya kilifi wameonywa dhidi ya kujiingiza kwenye vurugu za uchaguzi mdogo utakaoandaliwa eneo hilo, na badala yake wawe katika mstari wa mbele kuhubiri amani.

Akitoa wito huo kwa vijana kule Gede, mshirikishi wa shirika la Haki yetu Warda Zige, amewataka vijana kukoma kutumiwa vibaya  na wanasiasa wakati wa  kampeni na hata  kwenye  uchaguzi huo mdogo.

Mshirikishi huyo aidha amehoji kuwa kwa Sasa kumeshuhudiwa joto la kisiasa hasa maeneo ya Dabaso na Mswambeni, ambako uchaguzi huo mdogo utafanyika.

vijana hao hata hivyo wameapa kuwa katika mstari wa mbele  kuhubiri amani,  sawia na kujitenga na vurugu  wakati na baada ya uchaguzi huo.

Uchaguzi huo mdogo unatarajiwa kufanyika tarehe 15 desemba katika eneo bunge la  Msambweni na Wadi ya Dabaso Kaunti ya kilifi.