Vijana  kutoka kaunti ya Kwale  wamehamasishwa kuhusu umuhimu wa  kudumumisha  amani na jinsi ya kufikia  haki zao , kwenye mkao  uliowajumuisha maafisa  wa serikali katika  vitengo mbalimbali vya sheria.

Akiongea  kwenye  hafla hiyo iliyodhaminiwa na shirika la Search for Common Ground  na mashirika mengine, meneja wa mipango katika shirika hilo Mohamed Ali Mwachausa,  amesema kwamba lengo la mkao ni  kuwakutanisha vijana na  maafisa wa taasisi za sheria ili  kuziba pengo lililoko kati ya makundi hayo mawili.

Mwachausa amesema kwamba   kupitia mradi huo unaoendelezwa katika ukanda  wa Pwani  zaidi ya vijana  100 wamejinasua kutoka kwa makundi  ya kihalifu na itikadi kali.

Mwachausa aidha  amewahimiza  maafisa wa usalama  kujenga uhusiano mwema kati yao na vijana, ili kuimarisha uwiano na  utangamano  kwa manufaa ya  kudumisha amani.

Taarifa na Michael Otieno.