Uhondo

Jah Cure amehukumiwa kifungo cha miaka 6 gerezani kwa jaribio la kuua bila kukusudia..

March 24, 2022 by Mkamburi Kimegho

Picha Kwa Hisani.

Mwanamuziki wa reggae Siccature Alcock almaarufu Jah Cure atahudumu kifungo cha miaka sita gerezani kwa jaribio la kuua bila maksudi.

Mzaliwa huyo wa Jamaica alihukumiwa kifungo hicho na mahakama moja nchini Uholanzi siku ya Jumanne.

Picha Kwa Hisani.

Mnamo mwezi Oktoba mwaka jana, Jah Cure, 43, alishtakiwa kwa kosa la kumdunga kisu promota Nicardo ‘Papa’ Blake.

Mzozo wao ulihusisha takriban shilingi 630, 000 ambazo Jah Cure alimdai promota huyo kama malipo ya tamasha alilokuwa amefanya mjini Dam Square, Uholanzi. Jah Cure alikuwa anatazama kifungo cha hadi miaka 15 gerezani.

Picha Kwa Hisani.

Akijitetea mahakamani mapema mwezi huu, mwanamuziki huyo alisema alikuwa anajikinga ila mahakama ikakataa madai yake. Upande wa mashtaka ulisema alikusudia kumsababisha Blake majeraha mwilini.

Mahakama hata hivyo haikumpata na hatia ya jaribio la mauaji na badala yake akatiwa hatiani ya kujaribu kuua bila kukusudia.

Picha Kwa Hisani.

Jah Cure aliwahi kuhudumu kifungo kingine cha miaka 8 kati ya 1999-2007. Alikuwa amepatikana na makosa ya wizi wa kimabavu, umiliki haramu wa bunduki na ubakaji.

Mke wa Ali Kiba adai talaka.

February 18, 2022 by Mkamburi Kimegho

uhondo

AliKiba, AminaKhalef, Talaka, Uhondo

Picha Kwa Hisani.

Mke wa mwanamuziki nyota wa Tanzania Ali kiba, Amina Khalef amewasilisha kesi mahakamani ya kutaka kutengana mume wake.

Amina aliwasilisha kesi hiyo ya talaka katika mahakama ya Kadhi ya Mombasa mwezi jana baada ya miaka mitatu kwenye ndoa.

Picha Kwa Hisani.

Aidha, alieleza kuwa sababu kuu ya kuvunja ndoa yake na mwanamuziki huyo ni kuwa na msongo wa mawazo na kutelekezwa na mumewe huku akibaini kuwa Ali Kiba atekelezi majukumu kama mume.

Wawili hao walioana mwaka wa 2018, kwa sheria za Kiislamu ambapo kwa sherehe kubwa iliyoandaliwa jiji Mombasa huku mashabiki wakitaja harusi hio kuwa ya kupigiwa mfano.