Mwanamke mmoja wa umri wa makamo  hii leo  amepata majeraha baada ya bodaboda ambayo alikuwa  ameabiri  kugongana na gari  dogo katika  barabara ya Kombani Kwale  sehemu ya Kwale mjini.

Kulingana na OCS  wa kituo cha polisi  mjini Kwale Ludwin Sasati  gari  nambari ya usajili KCB 599 R lililokuwa likiendeshwa  na Ali Mukumi  liligongana na bodaboda  ambayo  ilikuwa ikiendeshwa na Juma Zuma   kwa  mwendo wa kasi.

Abiria  kwa jina   Mwanaiki Bakar Siri ambaye  alikuwa  kwenye  pikipiki ya Juma Zuma  alianguka chini na kupata  majera  kichwani na kisha akakimbizwa  katika hospitali ya Kwale kwa matibabu na  akaruhusiwa  kwenda nyumbani.

Aidha Sasati amewataka madereva na waendeshaji boda boda kuzingatia sheria za trafiki wakati wanapokuwa barabarani .