Tume ya uwiano na utangamano wa kitaifa NCIC imewataka wazazi katika kaunti ya Kwale kuwajibikia majukumu yao ya ulezi kwa kufuatilia mienendo ya watoto wao ili wasiangamie.

Afisa mkuu mtendaji wa  tume hiyo  Mohamed Hassan amesema kuwa  idadi kubwa ya wazazi katika kaunti ya Kwale  wamezembea  katika  kuwalea watoto wao  na  kuwaachilia kurandaranda  mtaani.

Afisa huyo  amesema kuwa  idadi kubwa ya watoto walio chini ya umri wa miaka 18, wamejiunga na magenge ya uhalifu kaunti ya Kwale kutokana na uzembe wa wazazi  kwenye masuala ya ulezi.

Amewahimiza wazazi   kuchukulia kwa uzito maadili ya watoto wao iwapo wanataka wawe na maisha bora katika jamii siku za usoni.

Taarifa na Michael Otieno.