Picha Kwa Hisani –

Kiongozi wa chama cha ANC Musalia Mudavavi  amemtaka Rais Uhuru Kenyatta  Kuunda  tume ya kisheria itayochunguza  ile sakta  ya wizi wa fedha za umma  katika  Taasisi ya kusambaza  dawa nchini Kemsa.

Mudavadi amesema   Rais  Kenyatta  ana uwezo,  kisheria  wa kuunda tume itakayowachunguza   wale waliohusika na ufisadi katika wizara ya afya na taasisi hiyo ya  Kemsa.  

Mudavadi ametaja kuwa  anaungana na wakenya kulaani hatua ya watu  wachache kutaka  kujinufaisha kupitia  janga la  Corona.

Mudavadi ameongeza kusema  kuwa  hatua hiyo itaondoaa propaganda zinazoenezwa kuhusu baadhi ya watu wanaotajwa kuhusika  katika ubadhirifu wa fedha za umma.

Aidha kiongozi huyo amesisitiza iwapo  hatua  hazitachukuliwa dhidi ya wafisadi basi jambo hilo lichukuliwa kuwa  mtindo wa kawaida.