Mbunge wa Kaloleni Paul Katana ameitaka tume ya  maadili na kupambana na ufisadi nchini  EACC kuidhinisha uchunguzi katika eneo bunge hilo ili kuchunguza  fedha zinazodaiwa kupotea katika hazina ya  ustawishaji ya eneo bunge hilo.

Katana anaitaka EACC kufanya uchunguzi huo baada ya kudaiwa kuwa  mamilioni ya fedha  hayajulikani yaliko  na  huenda zimefujwa.

Katana amewaonya wanakamati wanaosimamia fedha hizo akisema atakayepatikana na hatia atakabiliwa kisheria.

Amewahimiza viongozi kukomesha siasa za malumbano na badala yake washirikiane kuwahudumia wananchi wa Kaloleni.

Taarifa na Mercy Tumaini.