John Elijah Mutunga kutoka shule ya msingi ya Masimbani kule Lungalunga kaunti ya Kwale  ndiye mwanafunzi bora kaunti ya Kwale katika shule za msingi za uma katika matokeo ya mtihani wa darasa la nane  ya KCPE yaliotolewa Ramsi na Waziri Wa Elimu Nchini George Magoha.

Mutunga alijizolea alama 417  kati ya alama  500.

Akizungumza na  kituo hiki Mwalimu Mkuu wa Shule ya msingi ya Masimbani John  Mutua amesema kuwa jumla ya watahiniwa 30 walifana katika  mtihani huo  Shuleni humo huku wa mwisho akajizolea alama  319.

Itakumbwa kuwa shule ya msingi ya Masimbani iliibuka Nambari  Moja katika matokea ya mitihani Ya KCPE  mwaka  2018  katika Ukanda wa Pwani kwa Shule Za Msingi Za uma na ya Pili kwa Shule zote za Kibinafsi  na uma  za msingi.

Juhudi za pamoja  baina ya wazazi ,walimu na wanafunzi zimetajwa kama chanzo cha  matokeo bora.