Familia 180  kutoka kaunti ya Kwale zitanufaika na msaada wa chakula kilichopeanwa kwa serikali ya kaunti hiyo kwa ufadhili wa benki ya KCB pamoja na wafanyibiashara wa mjini Kwale .

Akizungumza wakati wa kupokea msaada huo wa chakula waziri wa kilimo na mifugo kaunti hiyo Joan Nyamasio amesema msaada huo wa chakula utasaidia pakubwa  familia zilizoathirika na janga la Corona.

Kwa upande msimamizi wa benki ya KCB  mjini Kwale Jonathan Rono   amesema chakula hicho kitasaidia  wakaazi ambao kazi zao zimeathirika na  janga la Corona

Benki hiyo imeweza kutoa bandali 80 za unga pamoja na mafuta ya kupikia lita 120  kwa famialia zilizoathirika .

Naye mwenyekiti wa wafanyibiashara Kwale  Salim Mwayongwe amewataka wakaazi wa kwale kufuata kanuni za afya mbali na mikakati  ya kupewa chakula .