Story by Mwanaamina Fakii –

Zaidi ya watahimiwa elfu nane wa kidato cha nne KCSE kutoka kaunti ya Kwale wameanza rasmi mitihani  yao ya kitaifa.

Kulingana na Mkurugenzi  wa  elimu  katika kaunti  hiyo Martin  Cheruiyot,  vituo 105  vya  mitihani vimetengwa  na  idara   ya  elimu  ili kuwawezesha  watahiniwa hao  kufanya mitihani  hiyo.

Cheruiyot  amesema  matokea  ya  mitihani ya  kidato  cha  nne  yatatolewa  kabla  ya  mwezi  wa tano  hatua ambayo  itawapa fursa wanafunzi  waliofanya vyema katika mitihani hiyo  kujiunga  na  vyuo vikuu.

Wakati  uo  huo  amewahimiza wazazi  kuwajibikia majukumu  yao  ya ulezi kwa kuhakikisha wanawapa mafunzo ya nidhamu watoto wao wakati wakiwa nyumbani sawa na kuwasaidia kazi za nyumbani.