Uncategorized

Picha kwa hisani –

Muungano wa wauguzi nchini umefutilia mbali mgomo wao uliodumu kwa takribani siku 79 na kutangaza kurejea kazini.

Katibu mkuu wa Muungano huo nchini Seth Panyako, amesema Muungano huo umechukua hatua hiyo baada ya kupkea agizo la Mahakama kwamba wanafaa kusitisha mgomo wao huku wakiendelea na mazungumzo.

Panyako amewaagiza Wauguzi wote nchini kurejea kazini mara moja, huku viongozi wa Muungano huo wakiendeleza mazungumza ya kuafikia mkataba wa maelewano kati ya viongozi wa serikali, zile za kaunti ya Muungano huo.

Siku ya Jumatato, Jaji wa Mahakama ya Leba Maureen Onyango, aliagiza kusitishwa kwa mgomo wa Wauguzi na kurejea kazini mara moja huku akiziagiza serikali za kaunti kusitisha adhabu waliokuwa wamepanga kuwapa wauguzi nchini.

Picha kwa hisani –

Msanii wa nyimbo za injili Bahati amejipata pabaya  pamoja na mke wake Diana na wanamitandao baada yake kupachika picha akiwa amevalia mavazi ya like na kujipodoa.

Hii Ni Mara ya pili kwa msanii huyo kufanya hivo na hivi sasa wanamitandao wamemtupia maneno makali kupitia ukurasa wake wa Instagram.

Picha kwa hisani –

Rais Uhuru Kenyatta amewaomba wakenya waunge mkono mchakato wa kuifanyia marekebisho Katiba wa BBI, akisema wananchi watanufaika na mengi yaliomo ndani ya BBI ikiwemo rasilimali zitasambazwa kwa wingi mashinani.

Rais Kenyatta amewataka pia wakenya wajihadhari na wanasiasa wanaopinga mchakato wa BBI, akisema hawana ukweli wowote katika pingamizi zao kuhusu BBI.

Kiongozi wa taifa yamekuwa yakiyazungumza yao katika Ikulu ndogo ya Sagana ambako alihutubia zaidi ya viongozi 7,000 kutoka eneo la Mlima Kenya na kaunti jirani wakati wa siku yake ya pili ya ziara ya kikazi katika eneo hilo.

Rais amesema alishauriana kwa kina na kuafikiana na wadau mbali mbali kabla ya kuzindua mchakato wa BBI, ambao nia yake ni kulinda haki na uhuru wa kila mmoja.

Katika mkutano huo Rais Kenyatta amekiri kujitolea kwake kuacha urathi wa nchi yenye amani na umoja ambapo kila Mkenya atafurahia haki yake ya kijamii, kiuchumi na kisiasa bila ya hofu ya kuingiliwa, akisema BBI itasaidia kuafikia lengo hilo.

Picha kwa hisani –

Wakazi wa magarini Kaunti ya kilifi sasa wameelezea hofu yao kutokana na nzige ambao wamezagaa katika eneo hilo.

Kulingana na wakaazi wa eneo hilo wadudu hao wameonekana katika maeneo mbali mbali japo hawajafanya uharibifu wowote hadi sasa.

Wakiongozwa na Joshua Chome  wakaazi hao wanaitaka serikali kufanya kila juhudi kukabiliana na wadudu hao kabla uharibifu wa mimea kufanywa.

Wakaazi hao wa Mtsangamali ambao wanategemea kilimo kiuchumi, wanasema wanahofia kuwa huenda wakakumbwa na baa la njaa iwapo serikali itawaachilia nzige hao kufanya uharibifu katika mashamba yao.

Lakini kulingana na waziri wa Kilimo kaunti ya Kilifi Luciana Sanzua tayari ametuma maafisa wake eneo hilo kutathimini hali halisi ili hatua za dharura zichukuliwe mara moja.

Picha kwa Hisani –

Rapper Khaligraph Jones kutoka Nairobi amezua gumzo mtandaoni baada ya kushindwa kujizuia na kufunguka hadharani kupitia mtandao wa Instagram jinsi anavyomkubali msanii wa muziki wa kizazi kipya Adasa.

Adasa ambaye kwa sasa anatamba na kibao chake kipya alichomshirikisha na rapper Benzema kwa jina ‘Najikakamua’, anauwezo mkubwa wa sauti na amekua akitikisa mawimbi ya radio na televisheni nchini Kenya kwa muda sasa.

“Wale wanasemanga Kenya Hakuna Talent, This lady Has one of the Best Voices in Africa and Probably the Best voice In East Africa, Tusibishane Tafadhali, This song is beautiful, Her name is @officialadasa , Kama kitu Ni noma , ni noma #respecttheogs,” aliandika Khaligraph Jones kupitia Instagram yake.

Wasanii wengine kutoka Nairobi wakiwemo Prezzo, Sauti Sol, Magix Enga na wengine wengi wamekubaliana moja kwa moja na kauli ya OG kuwa Adasa anakipaji cha kipekee na huenda akawa hana mpinzani si hapa Afrika mashariki pekee bali Afrika nzima kama alivyonukuu Khaligraph Jones akitoa hisia zake za ndani.

Kupitia Instagram, Khaligraph Jones amejitoa kimasomaso kuzi pandisha kazi mbili za Adasa  ‘Tunaendana’ na hii mpya kwa jina Tujikakamue aliyomshirikisha rapper Benzema .

Picha kwa hizsani –

Gavana wa kaunti ya Machakos  Daktari  Alfred Mutua  ametangaza  rasmi kuwa atawania urais mwaka  2022 kupitia  chama chake cha Maendeleo Chapu Chapu.

Akizungumza  na wanahabari katika Kaunti hiyo gavana  Mutua amesema  wakenya  wamechoka  na  tamaa  ukabila  na ufisadi  unaotekelezwa nchini  na baadhi   ya  viongozi walio mamlakani.

Gavana  huyo wa Machakos amewahakikishia  wakenya mwamko mpya  kupitia  kubuni fursa za ajira.

Mutua   amesema taifa la  kenya kwa wakati mmoja  lilikuwa sawa kiuchumi na mataifa kama vile  Korea Kusini na  Malaysia ambayo kwa sasa yemepiga  hatua kubwa  kimaendeleo .

Kiongozi  huyo  wa chama cha maendeleo chapa chapa amesema iwapo wakenya hawatabadili jinsi wanavyochagua  viongozi basi taifa hili litaendelea kusalia nyuma kiuchumi.

Picha Kwa Hisani –

Wizara ya Afya nchini imedokeza kuwa asilimia 25 ya watoto wa chini ya miaka mitano wana uzito duni kutokana na ukosefu wa lishe bora.

Katibu katika Wizara ya Afya nchini Dkt Rashid Aman amesema asilimia 28 ya watu wazima wa umri wa kati ya miaka 18 hadi 69 wanakabiliwana changamoto za ukosefu wa kingi mwilini kutokana kutozingatia vyakula vya lishe bora.

Akigusia takwimu za maambukizi ya virusi vya Corona, Dkt Aman amesema watu 241 wamethibitishwa kupata maambukizi hayo baada ya sampuli 4,520 kufanyiwa uchunguzi na idadi hiyo kuongezeka hadi 33,630.

Amesema kati ya watu hao 241, watu 228 ni wakenya na 47 wakiwa raia wa kigeni huku watu 152 wakiwa wanaume na 89 wakiwa wanawake na mtoton wa mwaka mmoja ni miongoni mwa walioambukizi virusi hiyo ndani ya saa 24.

Wakati uo huo amedokeza kuwa watu 66, waliokuwa wakiugua Corona wamepona na idadi hiyo kuongezeka hadi watu 19,434 huku idadi ya wale waliofariki humu nchini kutokana na virusi vya Corona ikisalia watu 567.

Picha Kwa Hisani –

Waziri wa kilimo nchini Peter Munya ameilaumu idara ya mahakama kwa kuchelewesha kesi zinazowasilishwa mahakamani.

Akizungumza katika afisi za uvuvi kule Malindi Munya amesema maeneo mengi ya uvuvi nchini yamenyakuliwa na mabwenyenye na kesi zilizowasilishwa mahakamani zimechukua mda mrefu kuamuliwa.

Munya amesema kuwa ripoti ya BBI inapaswa kuangazia idara ya mahakama na kuhakikisha idara hio inasalia idara huru.

Picha Kwa Hisani –

Waziri wa usalama wa ndani Dkt Fred Matiangi,inspekta jenerali Hilary Mutyambai na mkurugenzi wa idara ya DCI George Kinoti wamefika mbele ya kamati ya bunge la seneti kuhusu usalama kuhojiwa kuhusiana na kutiwa nguvuni kwa maseneta watatu siku ya juma tatu juma hili.

Hata hivyo waandishi wa habari wamezuiliwa kufatilia kikao hicho baada ya mwenyekiti wa kamati hio seneta Yusuf Hajji kuwataka wanahabari kuondoka katika eneo hilo kwa misingi kwamba hawakupewa mualiko.

Watatu hao wanahojiwa ili kueleza chanzo cha kutiwa nguvuni kwa maseneta watatu akiwemo wa Kakamega Cleophas Malala,Christopher Langat wa Bomet na Steve Lelegwe wa Samburu.

Itakumbukwa kwamba Matiang’i na Mutyambai walikosa kufika mbele ya kamati hio siku ya jumatatu juma hili kama walivyoagizwa na maseneta.