Balozi wa Marekani nchini Kenya Kyle McCarter amezitaka taasisi za utafiti wa matibabu nchini kujizatiti kutoa mchango wao katika mchakato wa kutafuta dawa ya corona unaoendelea.
Katika mahojiano ya kipekee na radio kaya McCarter amesema kenya inawatafiti wanaoaminika na wanapaswa kutumia vyema misaada walioptata katika kusaidia kuvumbua tiba ya maradhi hayo.
Idara ya usalama kaunti ya Kwale imedai kuwa usalama utaimarishwa kikamilifu katika kila eneo ili kuhakikisha visa vya utovu wa usalama havishuhudiwa wakati huu ambapo taifa linakabiliana na janga la Corona.
Afisa mkuu wa polisi eneo la Matuga Francis Nguli amesema maafisa wa polisi wa kutosha watatumwa nyanjani kuhakikisha hakuna visa vyovyote vya utovu wa vinashuhudiwa.
Katika swala la magari ya uchukuzi wa umma, afisa huyo wa polisi amesema abiria watakaokaidi agizo la serikali la kukuabiri magari ya umma wakiwa kidogo watachukuliwa hatua.
VANNELSARICK MADIBA BAYA , watu hawatakuelewa aidha labdha litakuwa ni jina la kigeni kwao, lakini unapotaja “ Ricky Melodies“ hapo watu wengi hasa washikadau na mashabiki wa muziki wa Bango watakuelewa kwa urahisi kuwa unamzungumzia msanii mkali sana anayefanya vizuri katika tasinia ya muziki wa Bango.
Ricky Melodies anafanya muziki wake wa bango katika studio za Ricky Records akiwa yeye mwenyewe ndiye prodiuza. Labdha usilolijua ni kuwa Ricky Melodies yuko na Band yake inayojulikana kama Fantansy Music. Katika safari yake ya uimbaji,yeye ndo Lead Singer wa band hii ya Fantansy Band.
Baada ya kuchezesha kikosi cha KDF nchini kwa wimbo wake wa KDF crew, alirudi studioni na kufanya wimbo uliovuma zaidi uliofahamika kama Bango Rifike,japo kuna baadhi ya mashabiki waliutohoa wimbo huu na kuupa jina jipwa la Bango Ridzulu kulingana na misitari fulani iliyotumika katika wimbo huu,wimbo huu uliopendekeza bango lifike hadi Somalia, kwa kweli ulikuwa ” Hit Song” kulingana na utani uliotumika kwenye misitari.
Safari hii aliamua kuungana na wasanii wengine wawili wanaofanya vizuri pia,wa kwanza akiwa ni ”Kaka Brayoo” aliyevuma na kibao chake ”Unanimala Maneno” wapili akiwa”Fadhil Bavyombo” anayejulikana kwa wimbo wake wa ”Kadzuchi” wote hawa waliungana na kufanya kolabo ya wimbo mpya unaoitwa ‘’Screen Short’’ wimbo huu ulipokamilika chini ya uongozi wa Ricky Melodies mashabiki waliupokea vyema kupitia RADIO KAYA ukichezwa kwa mara ya kwanza kabisa kwenye kipindi cha Misakato Ya Bngo chini ya nahodha DktrKeysherb a.k.a Dakitari wa Mapenzi.
Ricky – Melodies, The king of Nzele Music
picha ya mmoja wa wahudumu
Wizara ya afya kaunti ya Kwale imelazimika kuwaagiza maafisa wa afya wa nyanjani waliokua mampumzikoni kurejea kazini ili waendeleze hamasa za nyumba hadi nyumba kuhusu ugonjwa wa Corona.
Waziri wa afya katika serikali ya kaunti ya Kwale Francis Gwama amesema maafisa hao tayari wamepewa mafunzo ya kutosha kuhusiana na ugonjwa ambao visa vya maambukizi vinazidi kuongezeka nchini.
Gwama vile vile amewataka wakaazi wa kaunti hio ya Kwale kupiga ripoti kwa vitengo husika punde wanapohisi kuwa na dalili za maambukizi ya ugonjwa huo.
Picha kwa hisani
Maafisa wa polisi katika eneo la msambweni kaunti ya Kwale wanawasaka vijana wanaoshukiwa kuhusika na mauaji ya mwanamume mmoja yaliotekelezwa katika eneo la kibundani kaunti ya Kwale.
Taarifa kutoka kwa maafisa wa polisi imeeleza kwamba kundi la vijana lilimvamia mwanamume huyo aliekua mlevi kwa jina George Hezron Kotini mwendo wa saa tatu usiku hapo jana na kumpiga kwa kisingizio kwamba ana maambukizi ya virusi hatari vya Corona.
Inaafiwa kwamba polisi walifika katika eneo la mkasa na kumpata mwanamume huyo akiwa na majeraha mabaya kabla ya kumkimbiza katika hospitali ya rufaa ya msambweni amabako aliaga dunia.
Bunge la kaunti ya Kwale linatarajiwa kusitisha shughuli zake kuanzia hapo kesho kufuatia tishio la maambukizi ya virusi va Corona.
Mwenyekiti wa kamati ya bunge la kaunti ya Kwale kuhusu afya Mwinyi Mwasera amesema shughuli za bunge hilo zitasitishwa kwa muda wa siku 15 kwa kuzingatia agizo lililotolewa na serikali la kusitishwa kwa makongamano.
Mwasera vile vile amesema kuwa wameeka mikakati hitajika ya kukabiliana na maambukizi ya virusi vya Corona ndani ya kaunti hio.
Wizara ya elimu katika kaunti ya Kwale imewataka wazazi kuhakikisha watoto wao wanaendeleza masomo wakiwa nyumbani wakati huu ambapo shule zimefungwa mapema kufuatia tishio la maambukizi ya virusi vya Corona.
Katika mahojiano na wanahabari waziri wa elimu katika kaunti hio Mangale Chiforomodo amesema hali hio itawasaidia wanafunzi kutosahau waliofundishwa shuleni.
Chiforomodo aidha amewataka wazazi kuwafundisha watoto wao njia zitakazowasaidia kujikinga na maambukizi ya virusi vya corona.
Chiforomodo amefichua kwamba tayari maafisa wa serikali ya kaunti hio wameelimishwa kuhusu jinsi ya kujikinga na ugonjwa huo.
Chuo kikuu cha kiufundi cha Mombasa TUM kimefungwa baada ya usimamizi wa chuo hicho kuafikiana kufuatia athari ya virusi vya Corona humu nchini.
Katika taarifa kwa vyombo vya habari iliotiwa saini na Naibu Chansella wa chuo hicho Prof Laila Abubakar ni kwamba,chuo hicho kilicho na zaidi ya Wanafunzi elfu 15 kiko hatarini kukumbwa na maambukizi.
Wanafunzi wote wameamrishwa kuondoka chuoni humo hii leo na kusafiri nyumbani kwao na kusubiri tangazo rasmi la kurudi chuoni humo pindi hali itakapokuwa shwari nchini.
Hatua hiyo imeathiri mitihani ya katikati ya muhula iliyoanza mapema hii leo, sawia na uchaguzi wa viongozi wa Chama cha Wanafunzi TUMSA uliyopaswa kufanyika hii leo japo ukasitishwa punde tu baada ya Wanafunzi kupanga foleni wakisubiri kupiga kura.
Wizara ya Elimu nchini ametoa agizo kwa wasimamizi wa shule za msingi na upili nchini kuhakikisha zinawalinda vyema wanafunzi wakati huu ambapo shule zimeagizwa kufungwa.
Wizara hiyo kupitia Waziri George Magoha, imewaagiza wasimamizi wa shule hizo kuhakikisha mabasi ya shule yanawapeleka wanafunzi hadi majumbani mwao ama maeneo yaliosalama kwa wanafunzi hao kufika nyumbani.
Waziri Magoha amesema agizo hilo linafaa kutekelezwa kikamilifu ili kuzuia wanafunzi kuambukizwa virusi vya Corona, kwani wengi wao bado hawajafaa jinsi ya kujikinga.
Kauli ya Magoha amejiri kutokana na wasiwasi uliowaingia wazazi baada ya serikali kutangaza kuthibitishwa kwa visa viwili vya Corona nchini huku Shirika la Afya duniani WHO likitangaza kuwa zaidi ya watu laki moja na elfu 30 wameambukizi virusi hivyo katika mataifa 118.
Maafisa wa Polisi Mjini Mombasa wamemtia nguvuni mshukiwa mmoja wa ujambazi ambaye amekuwa akiwahangaisha wakaazi katika eneo la Mji wa Kale.
Mshukiwa huyo kwa jina Hassan Noordin Abdallah amenaswa mapema leo akiwa kwenye chumba kimoja katika eneo la Kibokoni huku visu aina ya machete, mapanga na simu kadhaa za rununu vikipatikana.
Afisa mkuu wa polisi kaunti ya Mombasa Augustine Nthumbi amekiri kwamba Abdallah ametiwa nguvuni kufuatia ukanda wa video uliyowaonyesha vijana wawili wakimvamia mtu mmoja katika eneo la Mji wa kale siku moja iliyopita. Nthumbi amesema Abdallah anahojiwa na maafisa wa usalama ili kufichue washirika wake.
Hata hivyo maafisa wa usalama wanaendeleza oparesheni ya kiusalama katika eneo zima la mji wa Kale wakiwasaka washirika hao wa uhalifu.