Picha kwa hisani –

Bunge la kaunti ya Kirinyaga limefungwa kwa muda wa wiki mbili, baada ya  wabunge  na wafanyazi kuambukizwa  virusi vya corona.

Katika taarifa kwa vyombo vya habari, spika wa bunge  hilo Anthony Gathumbi, amesema kufungwa  kwa bunge hilo kutatoa nafasi ya kunyunyiziwa dawa na  kuendelea kuzingatia kanuni za wizara ya afya  za kukabiliana na covid-19, sawai na  kuruhusu kujitenga kwa wale walioambukizwa virusi hivyo.

Gathumbi aidha amewarai wajumbe kuzingatia kanuni zote zilizowekwa dhidi ya virusi vya corona.

Huku hayo yakijiri mwakilishi  wa wadi ya London katika bunge la kaunti ya Nakuru samwel karanja, ameaga dunia baada ya kugua kwa mda mfupi.

Gavana wa Nakuru Lee Kinyajui, amethibitisha kifo cha mjumbe huyo  mapema leo, ikiwa ni wiki mbili tu baada ya mwakilishi  wa wadi ya Hells Gate John Njuguna kurafiki kufuatia virusi hivyo vya corona.