mkamburi

Story by our correspondent

Baadhi ya wazee wa jamii ya wamijikenda kanda ya Pwani wamejitokeza na kushinikiza ushirikiano wa jamii hiyo ili kuhakikisha wanapigania raslimali za Pwani ikiwemo misitu ya Kaya, ardhi na ajira.

Wakiongozwa na Mwenyekiti wa Chama cha wazee wa Kaya za mijikenda Mwinyi Mwalimu Mbisho, wazee hao wamesema kuna baadhi ya watu ambao wamekuwa wakitumia ushawishi wao kuikandamiza jamii ya wamijikenda.

Naye Grace Mbodze anayewakilisha jinsia ya kike katika chama hicho ameitaka serikali kuingilia kati na kuhakikisha jamii ya wamijikenda inatambulika katika ngazi zote za serikali ili kunufaika miradi ya maendeleo inayoidhinishwa na serikali.

Kwa upande wake Kiongozi wa vijana wa jamii ya wamijikenda Nguma Charo amewataka mawaziri Salim Mvurya, Aisha Jumwa na Spika Amason Kingi, kuhakikisha wanawabijikia majukumu yao kutatua changamoto zinazowakumba ikiwemo swala tata la Ardhi.

Picha Kwa Hisani – The Standard

Story by: Taalia Kwekwe

Mahakama ya mjini Kwale imemuhukumu kifo mwanamume mmoja kwa Jina Joseph Olouch Odhiambo baada ya kupatikana na hatia ya kutekeleza wizi wa mabavu.

Kulingana na maelezo yaliotolewa mahakamani, mshatakiwa mnamo tarehe 6 mwezi Novemba mwaka 2018, alitekeleza wizi wa mabavu katika jumba la Villa La Spa,huko Diani, na kuiba bidhaa mbali mbali zenye thamani ya shilingi milioni moja elfu 41,500 mali ya Karl Salzmann aliye raia wa ujerumani.

Picha Kwa Hisani – The Guardian

Hakimu wa mahakama hio Joe Omido amesema ametoa uamuzi huo baada ya kuzingatia ushahidi wa kina uliowasilishwa mahakamani na kwamba mwanamume huyo atatumikia kifungo chake katika gereza la Migingo. kaunti ya Kwale.

Awali hakimu Omido alimuachilia huru mwanamume mmoja Daniel Oweret Ouko ambaye aliaminika kushirikiana na mshtakiwa huyo,hii ni baada ya kutompata na hatia., Odhiambo amepewa siku 14  za kukata rufaa dhidi ya uamuzi wa mahakama.

Picha Kwa Hisani

Waziri wa afya nchini Mutahi Kagwe ameagiza wananchi kuanza tena kuvaa barakoa katika maeneo ya umma, sawa kuzingatia masharti mengine ya kuzuia kusambaa kwa virusi vya corona ili kudhibiti wimbi jengine la maambukizi.

Kagwe vile vile amesema lazima wananchi wavae barako wanapokua katika maeneo yenye mikusanyiko ya watu ikiwemo kwenye magari ya uchukuzi wa umma ,kwenye ndege, ofisini ,katika maduka ya jumla na katika nyumba za ibada.

Kagwe amesema maambukizi ya corona yameonekana kuongezeka msimu huu wa baridi hali ambayo inaipa hofu wizara ya afya nchini na kwamba lazima wananchi waanze tena kuzingatia masharti ya kudhibiti maambukizi ya virusi hivyo.

Kagwe hata hivyo amesema wakati huu ambapo maambukizi ya corona yameanza kupanda, wakenya wanapaswa kuchukua tahadhari zaidi ili kuepuka yalioshuhudiwa mwaka 2020 na mwaka 2021 ambapo watu wengi walipoteza maisha sawa na kupotea kwa rasilimali.

Kagwe aidha amewataka wale ambao hawajapokea chanjo dhidi ya virusi vya corona kujitokeza na kupokea chanjo ili kudhibiti makali ya virusi vya Corona.

Tume huru ya uchaguzi na mipaka nchini IEBC imetangaza kwamba wapiga kura milioni 22,120,458 wamesajiliwa kushiriki upigaji kura katika uchaguzi mkuu wa Agosti 9.

Mwenyekiti wa tume ya IEBC Wafula Chebukati ametoa tangazo hilo baada ya kukamilika kwa zoezi la kukagua sajili ya wapiga kura,zoezi  liliendelezwa na kampuni ya KPMG.

Chebukati aidha ameeleza kwamba kati ya wapiga kura hao zaidi ya milioni 22 ,idadi ya wanawake ni ndogo wakiwa na asilimia 49.12 huku wanaume wakiwa ni asilimia 50.88,na kwamba wapiga kura elfu 246,265 waliofariki wametolewa katika sajili ya wapiga kura huku wapiga kura walioko nje ya nchi wakiwa ni asilimia 0.05.

Akizungumza na wanahabari hii leo Chebukati aidha amesema ni jumla ya vituo vya kupigia kura 46,232 vilivyoidhinishwa kote nchini vitakavyotumika wakati wa uchaguzi.