chirindo

Wahudumu wa matatu katika eneo bunge la lungalunga kaunti ya kwale wamehimizwa kukoma kukiuka maagizo ya serikali katika kudhibiti janga la korona nchini wanapokua barabarani.

Afisa mkuu wa polisi eneo hilo Peter Nzimbi amesema maafisa wa usalama eneo hilo wamegundua kwamba wahudumu hao wamebuni mbinu mbalimbali za kukiuka maagizo hayo ikiwemo kupitia ushirikiano na wahudumu wa bodaboda wanapokaribia vizuizini.

Amesema wahudumu hao hushukisha idadi ya abiria waliopita kiwango hitajika katika matatu na kushirikiana na wahudumu wa bodaboda katika kuwavukisha vizuizi vya usalama akisema yeyote atakayekamatwa akiendeleza tabia hiyo atakamatwa na kuchukuliwa hatua kali za kisheria.

Wavuvi Katika eneo la Malindi Kaunti ya kilifi wamelalamikia vikali uhaba mkubwa wa samaki Katika eneo Hilo Hali ambayo imepelekea Wavuvi wengi kusalia bila ajira kwa sasa.

Wakiongozwa na Ali Salim Ali,wavuvi hao wamesema hali hiyo imechangiwa na baadhi ya wavuvi kutoka nchi za kigeni ambao wanaendeleza uvuvi haramu katika eneo hilo.

Jamil Athman Omar ambaye pia ni mmoja wa wavuvi katika eneo hilo amedai kwa sasa shughuli zote za uvuvi eneo hilo zimesambaratika,akiongeza kuwa serikali inafaa kuchunguza upya leseni za wavuvi wa kigeni humu Nchini.