Story by Mwanaamina Fakii –

Mhudumu mmoja wa bodaboda ameaga dunia huku abiria wengine watatu waliokuwa wameabiri bodaboda hiyo wakinusurika katika ajali ya barabarani iliyohusisha bodaboda hiyo na gari ndogo aina ya Nissan katika eneo la Tiwi kaunti ya Kwale.

Akithibitisha kutokea kwa ajali hiyo, Kamanda wa polisi kaunti ya Kwale Ambrose Oloo amesema abiria walionusurika wamepata majeruhi madogo na kukimbizwa katika hospitali ya Rufaa ya Msambweni.

Oloo amezidi  kuwatahadharisha  wahudumu  wa boda boda  dhidi  ya  kubeba  abiria  zaidi  ya  mmoja  na  vile  vile  kutoendesha bodaboda hizo kwa mwendo  wa kasi wakati wanapokuwa barabarani.

Hata  hivyo  amewawonya vijana  katika  eneo la  Tiwi  ambao  walijaribu  kufunga  barabara  na  kuandamana  kufuatia  ajali  hiyo,  akisema walitatiza  pakubwa shuhuli za usafiri.