Monthly Archives: March 2022

Story by Ali Chete-

Jumla ya Wanawake na vijana 2500 katika gatuzi dogo la Jomvu kaunti ya Mombasa wanatarajiwa kunufaika na mafunzo tofauti ya kibiashara ili kujikimu kimaisha.

Afisa wa kiufundi wa kampuni ya Coca-Cola Jane Gishanga amesema mradi huo unalenga vitongoji duni katika kaunti hiyo na vijana na wanawake watawezeshwa kujikimu kimaisha kupitia mradi huo ambao utagharibu shilingi milioni 28.

Afisa huyo amedokeza kwamba ushirikiano na Shirika la Shinning For Communities yaani SHOFCO utawezesha kuwapa mafunzo wanawake na vijana ili kuanzisha miradi itakayowajenga uwezo.

Kauli yake imeungwa mkono na Afisa wa Miradi katika Shirika la SHOFCO Gladys Mwendee aliyesema watawasaidia walengwa hao kujiunga katika makundi ya kibiashara.

Story by Our Correspondents –

Rais Uhuru Kenyatta amewapongeza wanajeshi wa Kenya kwa kujitolea kwao kulinda taifa hili katika kila pembe ya nchi ikiwemo ardhini, majini na Angani.

Rais Kenyatta amesema serikali imeboresha maslahi ya vikosi vya maafisa wa usalama nchini na kuviwezesha kuiweka Kenya katika ulinzi wa hali ya juu kwenye ramani ya kitaifa na kimataifa.

Akizungumza katika halfa ya kufuzu kwa makurutu wa jeshi la Cadet zaidi ya 168 wa ardhini, majini na angani katika kambi ya mafunzo ya kijeshi mjini Nakuru, Kiongozi wa taifa amesema chuo cha mafunzo ya kijeshi kimepewa cheti rasmi cha kuhudumu na kutoa ushauri nasaha.

Wakati uo huo amesisitiza mshikamano wa taifa kwa wakenya wote sawa na kuvipongeza vikosi vya usalama nchini kutokana na juhudi zao za kulinda taifa hilo.

Story by Our Correspondents-

Jopo la Majaji 7 wa Mahakama ya upeo wakiongozwa na Jaji mkuu nchini Martha Koome wameharamisha mchakato wa BBI wakisema ni kinyume cha Katiba.

Akisomo uamuzi wa pamoja wa majaji hao, Jaji Koome ameelezea kwa kifupi uamuzi wa majaji wenzake akisema BBI ilikosa kuzingatia vikao vya umma, Rais hana mamlaka ya kuchangia mchakato wa BBI, IEBC ilikosa idadi hitajika ya Makamishna wa kukagua saini za BBI na mfumo ulitumika wa kubuni BBI ulikiuka vipengele vya Katiba.

Katika uamuzi wake Jaji Isaac Lenaola, amesema rais hawezi kuidhinisha mchakato wa marekebisho ya Katiba kwani jukumu hilo liko chini ya wananchi, pendekezo la kubuniwa kwa maeneo bunge 70 ni kinyume cha katiba na IEBC haikuwa na idadi kamili ya kuamua kufanyika kwa referendum.

Kwa upande wake Jaji Njoki Ndungu, amesema Rais alikosea pakubwa kwa kuteua kamati ya BBI, na BBI haikuwa na swali maalum la Refurendem huku akipinga uamuzi wa Mahakama kuu kwamba rais alikuwa mshawishi mkuu katika BBI na kusema ushawishi wa BBI unaitaji idadi ya wananchi.

Naye Jaji William Ouko katika uamuzi wake, amepinga uamuzi wa mahakama ya kuu na ile ya Rufaa kwamba hakuwa na ushahidi wa kutosha wa viongozi wa BBI kufanya vikao vya umma, huku akiunga mkono kwamba IEBC ilikuwa na idadi sawa kikatiba ya kukagua saini za BBI.

Hata hivyo Jaji Smokin Wanjala katika uamuzi wake amesema rais hawezi kushtakiwa akiwa ofisini, viongozi wa BBI walikosa kuweka vikao vya umma huku akisema muundo msingi ulitumika uliotumika kubuni BBI ulikosa kuzingatiwa vipengele vya katiba.

Hata hivyo baadhi ya wakenya waliokuwa wakifuatilia vikao hivyo vya mahakama wameunga mkono uamuzi wa Mahakama kutupilia mbali mchakato wa BBI huku wakisema wakikosoa uamuazi huo Mahakama.

Story by Our Correspondents –

Tume huru ya uchaguzi na mipaka nchini IEBC imekosoa kauli zilizotolewa na Mbunge wa Gatundu kusini Moses Kuria kwamba tume hiyo haina mamlaka ya kusikiza kesi dhidi yake.

Mwenyekiti wa IEBC Wafula Chebukati amesema kauli zilizotolewa na Moses Kuria ni kejeli kwa tume hiyo na ni lazima kiongozi huyo afike mbele ya tume hiyo na kuhojiwa bila ya kukosa.

Chebukati amesema kesi hiyo itaendelea na ni lazima Mbunge huyo wa Gatundu kusini kufika mbele ya tume hiyo mnamo tarehe 7 mwezi Aprili mwaka huu ambapo kesi dhidi yake itasikizwa.

Moses Kuria ambaye alifika mbele ya tume hiyo mapema leo akiwa ameandamana na mawili wake Ndegwa Wahome na Geofrey Omenke, anadaiwa kutoa matamshi ya kukanganya kwamba akiwa pamoja na wanzake waliisaidia serikali ya Jubilee kuiba kura wakati wa uchaguzi uliopita.

Hata hivyo Makamishna wa IEBC wamedai kwamba matamshi ya Kuria yametia dosari uhalali wa matokeo ya urais ya mwaka wa 2017, wakisema kauli kama hizo huenda zikachangia mgawanyiko wa kisiasa nchini.

Story by Bakari Ali –

Kampuni ya mawasiliano humu nchini Safaricom ikishirikiana na benki ya Gulf African imezindua mtandao unaolenga kutoa mikopo kupitia simu za rununu maarufu Halal Pesa chini ya usimamizi na taratibu za kiislamu yaani Shari’ah law.

Mkurugenzi mkuu wa kampuni hiyo Peter Ndegwa amesema mtandao huo unanuia kushirikisha jamii na dini mbalimbali nchini katika masuala ya kibiashara.

Ndegwa amesema mtandao huo utatumika kitaifa licha ya lengo kuu ya mtandao huo ni kulenga jamii ya kiislamu nchini.

Kwa upande wake mkurugenzi mkuu wa benki ya Gulf African Abdallah Abdulhalik amepongeza ushirikiano huo baina ya kampuni ya Safaricom na benki hiyo, akisema uzinduzi wa mtandao huo unaolenga kuunganisha jamii mbalimbali kibiashara na maendeleo.

Story by Rasi Mangale –    

Mgombea wa kiti cha ugavana katika kaunti ya Kwale kupitia chama cha PAA Sammy Ruwa amesema viongozi wengi waliochaguliwa wamekosa kulitatua swala tata la ardhi katika kaunti hiyo.

Ruwa ambaye anahudumu kama Spika wa bunge la Kwale amesema tatizo hilo litaweza kutatuliwa iwapo wakaazi watatambua viongozi waadilifu na kushirikiana nao kikamilifu.

Akizungumza na Wanahabari, Kiongozi huyo amesema ukosefu wa hati miliki za ardhi umechangia wakaazi wengi kufurushwa katika ardhi zao walizoishi tangu jadi, akihoji kwamba atahakikisha swala hilo linatatuliwa.

Wakati uo huo ameahidi kuhakikisha anashirikiana na wananchi katika maswala ya sheria ili wapate haki zao hasa kwa mashamba ambayo yamekuwa na utata wa kumiliki mashamba hayo.

Story by Gabriel Mwaganjoni –

Wagombea wawili wa ugavana wa kaunti ya Mombasa ambao ni Mbunge wa Kisauni Ali Mbogo na Naibu Gavana wa Mombasa Dakta William Kingi wameashiria kuungana kisiasa katika kuwabwaga wapinzani wao wa karibu Mfanyabiashara Suleiman Shahbal na Mbunge wa Mvita Abdulswamad Sharif Nassir.

Katika mazungumzo ambayo bado hayajawekwa wazi, Mbogo ameonekana kushirikiana kwa karibu na Kingi katika mikutano yake ya kisiasa na hata kufanya mikutano kadhaa ya kisiasa wakiwa Pamoja.

Wakizungumza katika mikutano yao ya kisiasa katika Gatuzi dogo la Kisauni, Kingi na Mbogo wamewataka wakaazi wa kaunti hiyo  kutofanya makosa ya kuwachagua viongozi wasio kuwa na nia ya kuinua maisha yao.

Wakazi uo huo, Kingi amepuuzilia mbali uongozi wa Nassir akisema hajatekeleza mradi wa maana katika kipindi cha miaka 10 ambacho amehudumu kama Mbunge wa Mvita.

Story by Hussein Mdune-

Mgombea wa kiti cha useneta kaunti ya Kwale Antony Yama amewataka viongozi wa kisiasa kujitenga na siasa za ukabila na vurugu na badala yake kuhubiri amani.

Akizungumza katika mikutano yake ya kisiasa, Yama amesema siasa za ukabila hazina malengo ya maendeleo na kuwasisitiza wakaazi kuwa makini dhidi ya viongozi wenye tabia hizo.

Yama hata hivyo amewapongeza viongozi wa chama cha UDA kwa kumpatia tiketi ya moja kwa moja ya chama hicho ili kuwania kiti cha useneta kaunti ya Kwale.

Yama ambaye pia ni Mwakilishi wa wadi ya Kasemeni amewataka wakaazi kaunti ya Kwale kuwachagua viongozi kwa kuzingatia sera za maendeleo.

Story by Mwanaamina & Mdune-

Shule ya msingi ya Masimbani iliyoko eneo la Kikoneni eneo bunge la Lungalunga kaunti ya Kwale imeorodhesha matokeo bora ya mtihani wa kitaifa wa KCPE ambapo mwanafunzi wa kwanza ni msichana na amepata alama 413.

Mwalimu mkuu wa shule hiyo John Malinge Kanga amesema mwanafunzi wa pili katika shule hiyo amepata alama 411 na mwanafunzi watatu akipata alama 408.

Hata hivyo Mwalimu huyo mkuu amesema takribana wanafunzi 20 wamepata alama 400 katika shule hiyo na kuchangia shule hiyo ya msingi ya Masimbani kuorodhesha jumla ya alama 395.3

Katika Shule ya msingi ya kibinafsi ya Mumtaz iliyoko mjini Kwale, mwanafunzi wa kwanza katika shule hiyo ni Mwachughu Japhet Swaleh aliyepata alama 398, akifutwa na Mugaza Ndurya kwa alama 382 na nafasi ya tatu ikishikiliwa na Khulud Faraj Karma aliyepata alama 373.

Na shule ya msingi ya Samburu katika eneo bunge la Kinango, mwanafunzi wa kwanza Joshua Patrick Mkalla amepata alama 403, Priscillah Chiboya akipata alama 374 na Joyce Medza Nyanje akipata 372.

Mwalimu mkuu wa shule hiyo Mgunya Mganga amedai kurishidhwa na matokea hayo huku akiwataka wazazi kuchukua jukumu la kuwapa elimu watoto wao.

Hata hivyo Shule ya msingi ya kibinafsi ya Modern Green Hills eneo la Samburu imeoroidhesha matokeo bora kwani mwanafunzi wa kwanza Amina Sakina amepata alama 415, Mohammed Mwinyi alama 403, huku Christine Chizi akishilia nafasi ya tatu na 403.

Mwalimu mkuu wa shule hiyo Emmanuel Mwayaya amesema licha ya shule za eneo hilo kukumbwa na changamoto za ukame, wanafunzi wameorodhesha matokeo bora.

Wakati uo huo shule ya msingi ya kibinafsi ya Muungano eneo la Samburu imeorodhesha mwanafunzi bora Mariam Umazi Chiluku aliyepata alama 420, akifutwa na Blessing Uchi Mkamba kwa alama 416 na nafasi ya tatu akiwa Priscila Nadzua Kondo aliyepata alama 413.  

Mwalimu mkuu wa shule hiyo Elias Ndonga amesema matokeo hayo yametokana na juhudi za walimu kwa ushirikiano na wazazi na wanafunzi.

Story by Hussein Mdune-

Wizara ya Elimu nchini imetangaza matokeo ya mtihani wa kitaifa wa darasa la nane KCPE mwaka wa 2021 ambapo zaidi ya wanafunzi milioni 1.2 walifanya mtihani huo.

Akizungumza wakati wa halfa ya kutangazwa kwa matokeo ya mtihani wa KCPE katika makao makuu ya baraza la mitihani nchini KNEC jijini Nairobi, Waziri wa Elimu nchini Prof George Mahoha amesema wanafaunzi bora zaidi ni Magata Bruce Mackenzi kutoka shule ya msingi ya Gilgil hills Academy aliyepata alama 428.

Mwanafunzi wapili ni Momanyi Ashley Kerubo aliyepata alama 427, nafasi ya tatu ikishiliwa na Wanafunzi sita ambapo wote walipata alama 426 ambao ni Charity Buyanzi, Mbugua Sharon Wairimu, Muteti Shantell Linda, Stanley Otieno Omondi, Wekesa Naomi na Kimani Ethan Karuga .

Hata hivyo Waziri Magoha amewaonya walimu wakuu dhidi ya kuwanyima wanafunzi matokeo yao kutokana na madeni shuleni, akisema ni lazima wanafunzi wapewe matokeo yao licha ya changamoto hizo.

Wakati uo huo ameweka wazi kwamba mfumo upya wa elimu wa CBC umepiga hatua kwani walimu walipewa mafunzo ya ziada kufanikisha mfumo huo na tayari madarasa zaidi ya elfu 10 yamejengwa.

Kwa upande wake Afisa mkuu mtendaji wa Tume ya kuajiri walimu nchini TSC Nancy Macheria amesema tume hiyo itawachukulia hatua za kisheria baadhi ya walimu waliopatikana na hatia ya kushiriki udanganyifu wa mtihani wa KCPE.