Monthly Archives: February 2022

                        Story by Gabriel Mwaganjoni –

Idara ya usalama katika Ukanda wa Pwani imewahakikishia Walimu, Wanafunzi na Wazazi kwamba hali ya usalama imeimarishwa katika mazingira yote ambayo Wanafunzi watafanya mitihani yao ya kitaifa.

Mshirikishi mkuu wa utawala kanda ya Pwani John Elungata amesema swala la usalama limezingatiwa na mitihani hiyo itafanywa kulingana na ratba iliyowekwa.

Katika ziara yake katika kaunti ya Taita Taveta alikokagua makasha ya kuhifadhi mitihani, Elungata amesema mipangilio yote imekamilika.

Na kuhusu kaunti zinazokumbwa na utata wa kiusalama kama vile vile kaunti ya Lamu na Tana river, Afisa huyo tawala amekariri kwamba tayari amefanya ziara katika kaunti hizo mbili akiwa na lengo la kuweka mipangilio inayostahili kuhusu jinsi mtihani huo utakavyosambazwa vituoni.

Kulingana na Baraza kuu la mitihani nchini KNEC, jumla ya wanafunzi milioni 1,225,693 walisajiliwa kufanya mtihani wa darasa la nane KCPE unaoanza juma lijalo tarehe 7 Machi huku jumla ya wanafunzi 831,026 wakisajiliwa kufanya mtihani wa kidato cha nne KCSE uliyoanza siku ya Jumatatu katika masomo la lugha ya kigeni, huku mtihani rasmi wa nadharia na elimu zoezi ukianza tarehe 11 mwezi Machi hadi Aprili Mosi.

             Story by Our Correspondents –

Wizara ya Afya nchini imepokea dozi milioni 1.8 ya chanjo ya Corona aina ya Pfizer kutoka taifa la Marekani kupitia taasisi ya Covax ili kupiga jeki juhudi za kupambana na maambukizi ya virusi vya Corona humu nchini.

Akizungumza na Wanahabari baada ya kupokea shehena ya dozi ya chanjo hiyo katika uwanja wa ndege wa kimataifa wa Jomo Kenyatta jijini Nairobi, Afisa wa Afya anayehudumu katika uwanja wa JKIA Benjamin Kipchumba amesema chanjo hiyo itasaidia pakubwa kuzuia msambao wa virusi vya Corona.

Benjamin amewahimiza wakenya kutopuuza chanjo ya Corona na badala yake kuzingatia maagizo ya Wizara ya Afya nchini na kujitokeza kupokea chanjo ili kupata kinga zaidi ya kudhibiti msambao wa Corona.

Wakati uo huo Wizara ya Afya nchini imedokeza kwamba katika mda wa saa 24 zilizopita watu 16 wamethibitishwa kupata maambukizi ya Corona baada ya sampuli 3,135 kufanyiwa uchunguzi na idadi hiyo kuongezeka hadi watu 322,946

Hata hivyo wagonjwa wa Corona 13 wametangazwa kupona virusi hivyo na kupelekea idadi ya wale waliopona humu nchini kufikia watu 303,261 huku wale walioaga dunia kutoka na makali ya virusi vya Corona ikifikia watu 5,639.

                 Story by Our Corresponents –

Baraza la kitaifa la uongozi la chama cha ODM limemuidhinisha rasmi Kinara wa chama hicho Raila Odinga kuwa mgombea wa rais kupitia Muungano wa Azimio la umoja.

Katibu wa kitaifa wa chama hicho Edwin Sifuna amesema baraza hilo limeafikia uamuzi huo ili kutimiza ndoto ya Odinga ya kulikomboa taifa hili.

Naye Naibu Kinara wa chama hicho ambaye pia ni Gavana wa Mombasa Ali Hassan Joho na mwenzake wa Kakamega Wyclifee Oparaya wamemsifu Odinga kwa kuchukua hatua hiyo huku wakiwataka wakenya kumuunga mkono Odinga kuingia Ikulu.

                Story by Our Correspondents-

Muungano wa One Kenya Alliance yaani OKA umeweka wazi kwamba kuna mazungumzo mpya yanayoendelea kati ya OKA na chama cha Jubilee na ODM ili kubuni Muungano mpya kwa jina Azimio One Kenya Alliance.

Vinara wa Muungano huo wa OKA wakiongozwa na Kalonzo Musyoka wamesema wanatarajia kukamilisha mazungumzo hayo kabla ya siku ya Jumatatu ili kuwasilisha jina la Muungano huo kwa msajili wa vyema vya kisiasa nchini.

Kalonzo amesema mazungumzo hayo yatazaa matunda na kuchangia kuendelea kwa taifa hili na kushuhudia uongozi bora.

Wakati uo huo amewasi wakenya kuzidi kuliombea taifa hili sawa na kudumisha amani huku akivirai vyama vyengine vya kisiasa kujiunga na mpango huo.

                          Story by Gabriel Mwaganjoni –

Mshirikishi mkuu wa utawala kanda ya Pwani John Elungata amesema walimu wanaotumwa katika kaunti ya Lamu ili kufanya kazi wamehakikishiwa usalama wao.

Elungata amesem Serikali imeimarisha usalama katika kaunti nzima ya Lamu na hasa katika maeneo ya msitu wa Boni ambayo yameathirika pakubwa na msukosuko wa usalama.

Akizungumza huko Mokowe katika kaunti hiyo wakati wa ziara yake ya kiusalama, Elungata amesema vitengo vya usalama vimeliwajibikia barabara swala la usalama wa kaunti ya Lamu, huku akiwataka walimu na wakaazi wa kaunti hiyo kutohofia lolote.

Hata hivyo, Elungata amewahimiza wakaazi wa kaunti hiyo kuripoti matukio au njama zozote zinazoweza kuvuruga usalama wa kaunti hiyo ili wahusika wakabiliwe kisheria.

             Story by Gabriel Mwaganjoni-

Mfanyabiashara mmoja amefikishwa katika Mahakama ya Taveta, kaunti ya Taita Taveta akikabiliwa na mashtaka ya kuingiza Mahindi humu nchini na kukwepa kulipa ushuru.

Mahakama imefahamishwa kwamba mnamo kati ya mwaka wa 2014 na 2019 mshukiwa kwa jina Wilson Kiplagat Chesang aliingiza  Mahindi humu nchini yenye thamani ya shilingi milioni 500.9 kutoka nchini Tanzania na hakuyalipia ushuru.

Akiwa mbele ya Hakimu Louser Chebeni, Chesang amekana mashtaka hayo na akaachiliwa kwa dhamana ya shilingi milioni moja na mdhamini wa kiasi sawa na hicho au pesa taslimu shilingi nusu milioni.

Kesi hiyo imeratibiwa kusikizwa Februari, 28 mwaka huu.

           Story by Our Correspondents –

Wazira wa Elimu nchini Prof George Magoha amewarai viongozi wa chama cha Walimu wa shule za upili na vyuo vya kadri nchini KUPPET kufutilia mbali ilani walioitoka kwamba wataandaa mgomo wa walimu kuanzia wiki ijayo.

Waziri Magoha amesema viongozi wa walimu wanafaa kusitisha mpango huo na kuruhusu majadiliano ya kina kuhusu matakwa ya walimu ili yatatulikwe kwani mpango wa kushiriki mgomo sio suluhu la kutatua changamoto zinazowakabili walimu.

Akizungumza katika kaunti ya Kericho baada ya kufanya ziara ya kielimu katika kaunti hiyo, Magoha amesema japo walimu wana haki kikatiba ya kushiriki mgomo itakuwa sio jambo jema kwa walimu hao kushiriki mgomo wakati wa mitihani ya kitaifa. 

Wakati uo huo amewahakikisha wanafunzi usalama wa kutosha wakati wa mitihani hiyo huku akisema tayari maandalizi ya mitihani inaendelea kabla ya mitihani hiyo kuanza rasmi mwezi ujao wa Machi.

                 Story by Ali Chete-

Shirika la utetezi wa Haki za kibinadamu nchini HAKI Africa likishirikiana na ubalozi wa uholanzi limezindua mradi wa kuwahamasisha viongozi wa kidini ili kuhakikisha taifa linashuhudiwa amani wakati wa uchaguzi mkuu.

Msimamizi wa miradi huo kutoka shirika hilo Mesaid Omar amesema  mradi huo unanuia kuwapa viongozi wa kidini nguvu za kueneza hamasa za amani kwa ikizingatiwa kwamba wanauwezo wa kufikia watu wengi hasa siku za ibada.

Kwa upande wao viongozi wa kidini wakiongozwa na Sheikh Alfan Ali wamesema mradi huo utawawezesha viongozi hao kuhimiza amani wakati huu ambapo siasa zimepamba moto huku akidokeza kwamba viongozi wa dini mbalimbali wanajukumu la kuwarai wananchi kudumisha amani.

Kauli yake imeungwa mkono na mtumishi Melzedeck Anyumba aliyewahimiza vijana kutokubali kushawishiwa vibaya na kuzua vurugu za kisiasa bali kujitokeza kwa wingi na kuwa mabalozi wa amani.