Monthly Archives: July 2021

          Story by Gabriel Mwaganjoni –

Aliyekuwa Mbunge wa Kisauni Rashid Bedzimba amemsihi mwanasiasa na mwekezaji Suleiman Shahbal aliyetangaza nia yake ya kuwania kiti cha ugavana wa Mombasa kutowaachisha kazi wafanyakazi wanaohudumu katika Serikali ya kaunti hiyo.

Bedzimba amesema kuna baadhi ya wanasiasa wa kaunti hiyo waliotangaza kuwania kiti hicho wamekuwa wakitoa ilaani mapema kwamba pindi watakapoingia uongozini watawatimua kazini wahudumu wote wa Serikali hiyo.

Akizungumzia swala hilo, Mwanasiasa Suleiman Shahbal amewahakikishia wafanyakazi wote wa Serikali ya kaunti hiyo kwamba watasalia kazini pindi atakapoingia uongozini kama gavana wa Mombasa mwaka 2022.

Shahbal aliyekuwa akiwahutubia vijana katika eneo bunge la Kisauni amesema mbinu ya kuufufua uchumi wa kaunti ya Mombasa ni kubuni ajira kwa vijana na kuwaletea wawekezaji kutoka ughaibuni.

Kinyang’anyiro hicho cha ugavana wa Mombasa kimewavutia wanasiasa Suleiman Shahbal , Mbunge wa Mvita Abdulswamad Shariff Nassir, Mbunge wa Kisauni Ali Mbogo, aliyekuwa Seneta wa Mombasa Hassan Omar Sarai miongoni mwa wagombea wengine.

       Story by Salim Mwakazi –

Kamishna wa kaunti ya Kwale Joseph Kanyiri amewataka wakaazi wa kaunti hiyo kususia mikutano ya kisiasa ili kujiepusha na maambukizi ya virusi vya Corona.

Kanyiri amesema mikutano ya kisiasa imechangia ongezeko la maambukizi ya Corona katika kaunti ya Kwale kutokana na idadi kubwa wakaazi kupuuza masharti ya kudhibiti maambukizi hayo na kushabikia siasa.

Akizungumza na Wanahabari, Kanyiri amesema ni lazima kila mkaazi kuzingatia masharti ya kudhibiti Corona hasa kuvaa barakoa, kuosha mikono kila mara, kuzingatia umbali wa mita moja na kujitenga na mikusanyiko ya watu.

Kauli yake imejiri baada ya hospitali ya rufaa ya Msambweni kuripotiwa kuzidiwa na uwezo wa kuhudumia idadi kubwa ya wagonjwa wa Covid-19.

        Story by Correspondents –

Msanii maarufu wa nyimbo za asili ya mijikenda Bin Kalama ameaga dunia.

Familia ya mwendazake imethibitisha kutokea kwa kifo cha msanii huyo siku ya Jumatano alasiri baada ya kuugua kwa mda.

Hata hivyo baadhi ya Wasanii wa nyimbo mbalimbali, wamesema kifo cha Bin Kalama ni pigo kwa sekta ya Sanaa ya mziki kwani nyimbo alizoimba zilibadili tabia za vijana wengi na kuwawezesha kuwa na maadili.

Bin Kalama atakumbukwa na wengi kwa nyimbo zake alizoimba kama ile ya I love you my darling, Ukongo wa nyerenyere miongoni mwa nyimbo zengine za asili ya mijikenda.

Picha kwa hisani –

Story by Correspondents-

Rais wa Jamhuri ya Muungano wa Tanzania Samia Suluhu Hassan amepokea chanjo ya Corona ya Johnson na Johnson baada ya kuzindua rasmi zoezi la kuwachanja wananchi wa Tanzania chanjo hiyo ili kuzuia maambukizi ya virusi vya Corona.

Akilihutubia taifa la Tanzania katika halfa hiyo ilioandaliwa katika Ikulu ya Dar-es Salam, Rais Samia amesema japo zoezi hilo ni la hiari, chanjo hiyo ina uwezo mkubwa wa kuzuia msambao wa virusi vya Corona.

Rais Samia amesema japo serikali ya Tanzania imepokea dozi milioni moja pekee na idadi ya watanzania ni kubwa, kuna haya watanzania kuchukua tahadhari katika kupambana na maambukizi ya Corona.

Kwa upande wake Waziri Mkuu wa Tanzania Kassim Majaliwa amejitokeza kupokea chanjo hiyo huku akiweka wazi kwamba serikali ya taifa hilo haina dhamira yoyote mbaya kwa wananchi wake katika mpango wa kuwachanja chanjo ya Corona.

Hatua hiyo ya serikali ya Tanzania imejiri baada ya utawala wa Hayati John Pombe Magufuli kupinga chanjo za Corona huku ikisisitiza kwamba virusi hivyo vinaweza kutibiwa kiasili, mtizamo ambao umebadilishwa na utawala wa rais Samia.

      Story by Mercy Tumaini –

Wakaazi wa eneo bunge la Rabai kaunti ya Kilifi wameshauriwa kujisajili kama wapiga kura ili kushiriki kikamilifu katika uchaguzi mkuu ujao.

Aliyekuwa Mwakilishi wadi ya Ruruma katika eneo la Rabai, Naphtali Kombo amesema vijana wengi katika eneo hilo hawajajisajili kama wapiga kura na huenda hali hiyo ikachangia kuchaguliwa viongozi wasio na ajenda za maendeleo.

Wakati uo huo amewasihi wanasiasa katika eneo hilo kuendeleza siasa za amani badala ya kueneza chuki na migawanyiko ya kisiasa.

         Story by Correspondents –

Mbunge wa Mwatate Andrew Mwadime ameitaka serikali ya kaunti ya Taita taveta kuwekeza miradi mikubwa ya maji ya safi ya kutumia kutoka kwa chemi chemi za maji za Njoro na Ziwa Chala katika eneo bunge la Taveta.

Mwadime amesema ni jambo la kushangaza kuona idadi kubwa ya wakaazi wa kaunti hiyo wakiendelea kutaabika katika kutafuta bidhaa hiyo muhimu licha ya kuwepo na suluhu la tatizo hilo.

Akizungumza katika eneo bunge lake, Mwadime ameitaka serikali ya kaunti ya Taita taveta kutenga mgao wa kutosha katika bajeti yake ya mwaka wa kifedha ili kufanikisha mIradi hiyo na kulitatua tatizo la uhaba wa maji.

Akigusia swala la uchumi wa nchini, Mwadime amesema wakaazi wengi kwa sasa wanapitia hali ngumu ya maisha kutokana na kudorora kwa uchumi wa nchi, akisisitiza haja ya mikakati ya kudumu kuidhinishwa.

            Story by Janet Shume –

Kaunti ya Kwale imetajwa kuwa miongoni mwa kaunti za Pwani zinazokabiliwa na changamoto ya ulanguzi wa binadamu huku walengwa wakiwa vijana na watoto.

Mkurugenzi wa Shirika linalopambana na ulanguzi wa binadamu la Peace Tree Network Martha Okumu amesema utafiti uliyofanya umeonyesha wazi kwamba maeneo ya fuo za bahari hindi ni kati ya maeneo yanayotumiwa kuendeleza visa hivyo.

Akizungumza katika kongamano la siku tatu lililoandaliwa katika eneo bunge la Matuga kaunti ya Kwale la kuangazia jinsi ya kudhibiti visa hivyo, Martha amesema ni lazima visa vya ulanguzi wa binadamu vikabiliwe.

Martha amesema Kongamano hilo linalenga kutoa mafunzo kwa wakaazi kuhusu jinsi wanavyoweza kuepuka mitego ya walanguzi hao.

Wazazi katika Kaunti ya Kwale wamepewa wito kuhakiksha kuwa wanawapa watoto wao vifaa vya kutosha ili kuwawezesha kuendelea na masomo yao ya Muhula wa kwanza mwaka huu.

Kulingana na Mkurugenzi wa elimu katika Kaunti ya Kwale Martin Cheriyot, Shule zimefunguliwa kulingana na maagizo ya Wizara ya elimu na kalenda ya mosomo ya mwaka mpya wa 2021.

Cheriyot amesema kuwa wazazi hapaswi kulalamikia muda mfupi waliostahili kutayarisha wanafunzi kwa muhula mpya kufuatia kuwa mipango hiyo imetokana na Wizara ya Elimu kutaka kufidia muda uliopotea kufuatia Janga la Corona .

Aidha, Mkurugenzi hyuo wa Elimu amesema iwapo mzazi anakumbwa na changamoto za karo itakuwa vyema afanye mazungumzo na usimamizi wa shule ili kukubaliana ni vipi atakamilisha karo ili kumuwezesha mwanafunzi kusalia Shuleni .

         Story by Rasi Mangale –

Mwanamume wa umri wa makamu amefikishwa katika Mahakama ya Kwale kwa kosa la unajisi.

Mahakama imearifiwa kwamba kati ya tarehe 4 na tarehe 10 mwezi Julai mwaka huu katika kijiji cha Maganyakulo eneo bunge la Matuga kaunti ya kwale, mshukiwa huyo kwa jina Shani Bakari Mbule anadaiwa kumnajisi msichana wa miaka 17.

Akiwa mbele ya Hakimu wa Mahakama hiyo Joe Omido mshukiwa amekana shtaka hilo na akaachiliwa kwa dhamana ya shilingi laki 5 na mdhamini wa kiasi sawa na hicho.

Kesi hiyo itatajwa tarehe 27 mwezi huu katika Mahakama ya Kwale.

          Story by Janet Shume –

Takriban wanafunzi 118 waliokuwa wakifadhiliwa na benki ya Equity kupitia mpango wa elimu wa Wings to fly ikiwemo wale waliofanya vyema katika mtihani wa kitaifa wa KCSE mwaka 2019 wamepokea ufadhili wa masomo ya vyuo vikuu.

Katika taarifa kwa vyombo vya habari, Afisa mkuu mtendaji wa benki ya Equity Dkt James Mwangi amesema idadi hiyo ya wanafunzi iko juu mno ikilinganishwa na wale waliopata ufadhili mwaka wa 2020.

Dkt Mwangi amesema idadi hiyo imeonyesha wazi jinsi wanafunzi wa humu nchini wanavyojibidisha zaidi shuleni, akisema ufadhili wa masomo kwa wanafunzi utachangia wanafunzi kufanya vyema zaidi masomoni.

Hata hivyoiAkiitaja hatua hiyo kama itakayoimarisha viwango vya elimu nchini pamoja na kuimarisha maisha ya wakaazi.