Monthly Archives: January 2021

Picha kwa hisani –

Chama cha walimu wa shule za msingi nchini KNUT kimesema kitapinga mpango wa kurudishwa  kwa adhabu  shuleni  wakati huu ambapo kumeshuhudiwa ongezeko la visa vya ukosefu wa nidhamu.

Kulingana na katibu  mkuu  wa chama hicho nchini Wilson Sosion ni kuwa kauli ya waziri wa elimu nchini prof George Magoha kutaka kurudisha fimbo darasani ni suala lililopitwa na wakati.

Akizungumza katika uwanja wa michezo wa Afraha  jijini Nairobi wakati wa uchaguzi wa chama hicho  Sossion amesema  walimu hawatakubali kuwaadhibu wanafunzi kwani adhabu italeta uhasama kati ya  pande hizo mbili.

Wakati uo huo Sossion amewalaumu wazazi  kwa kuchangia  ongezeko  la visa vya ukosefu wa nidhamu kwa watoto huku  akisema kuwa walikosa  kuwaelekeza wakati walipokuwa  nyumbani   kipindi  cha miezi  kumi ya janga la Corona.

Picha kwa hisani –

Serikali ya kaunti ya Kwale, sasa inaitka serikali ya kitaifa kupitia Wizara ya Madini nchini kuhakikisha mgao wa fedha unaotokana na raslimali za madini katika kaunti hiyo zinasambazwa kwa serikali ya kaunti hiyo.

Naibu Gavana wa Kwale Bi Fatuma Achani amesema serikali ya kaunti hiyo haijafaidika na fedha hizo za uchimbaji wa madini unaoendelezwa na kampuni ya Base Titanium katika eneo la Msambweni.

Kiongozi huyo amedai kushangazwa na hatua ya serikali ya kitaifa ya kukosa kusambaza fedha hizo kwa serikali ya Kwale kwa mda mrefu licha ya mgao huu kupatikana katika maeneo ya kaunti ya Kwale.

Achani amesema kulingana na taratibu za mgao wa fedha hizo, serikali ya kaunti ya Kwale inafaa kupokea mgao wa asimilia 30 ambapo asimilia 10 inafaa kugawa kwa jamii za eneo hilo.

Picha kwa hisani –

Padre wa Kanisa Katoliki la St Michael katika Parokia ya Kiganjo eneo la Chaka kule kaunti ya Nyeri Samuel Njigua amewahimiza Viongozi wa kisiasa nchini kutekeleza majukumu waliopewa ya uongozi ili kufanikisha miradi ya maendeleo.

Akizungumza wakati wa ibada ya Misa ya Jumapili katika Kanisa Katoliki la St Michael eneo la Chuka kule kaunti ya Nyeri, Padre Njigua amesema hatua hiyo itasaidia pakubwa kuzitatua changamoto mbalimbali nchini.

Padre Njigua amewaomba pia waumini wa dini ya kikristo kuendelea kuliombea taifa hili ili kuepuka changamoto mbalimbali ikwemo uogonjwa hatari ya virusi vya Corona.

Akihutubia waumini wa Kanisa hilo baada ya kuhudhuria ibada Misa ya Jumapili, Rais Uhuru Kenyatta ameahidi kuboresha sekta ya biashara katika eneo la Chaka, kuboresha muundo msingi sawia na kuboresha maenndeleo.

Kiongozi wa taifa amewahimiza wakenya kuendelea kuliombea taifa hili kuwa taifa la amani na umoja huku akiwahimiza wakenya kushikamana kama jamii moja kwa kuzingatia demokrasia na Katiba ya nchi.

Picha kwa hisani –

Siku moja baada ya Rais wa Tanzania, John Magufuli kutaka wizara ya afya kutokukimbilia chanjo ya Corona, Shirika la Afya Duniani WHO imeitaka nchi hiyo kujiandaa na chanjo ya Corona kama mataifa mengine duniani.

Akizungumza katika mkutano na waandishi wa habari kwa njia ya mtandao,mkuu wa WHO kanda ya Afrika Dkt. Matshdiso Moeti amesema kuwa Tanzania inatakiwa kutumia mwanya wa upatikanaji wa chanjo kwa faida ya wananchi na kanda ya Afrika mashariki kwa ujumla.

WHO inasema kuwa imekua ikitoa mchango na kuwasiliana na serikali ya Tanzania kuanzia mwanzo wa janga hili la Corona.

Shirika hilo pia limesisitiza Tanzania kutoa takwimu za mwenendo wa Corona nchini Tanzania ili iwe rahisi katika kupambana na kuzuia maambukizi mapya.

Picha kwa hisani –

Idara ya usalama imeteketeza badhaa ghushi zenye thamani ya shilingi milioni 24 katika eneo la Kibarani Kaunti ya Mombasa.

Akizungumza jana jioni baada ya kuongoza zoezi hilo,mshirikishi mkuu wa utawala Kanda ya Pwani John Elungata amesema bidhaa hizo ni vyakula vikiwemo mchele, unga wa ngano, mafuta ya kupikia na vyombo vya nyumbani.

Kulingana na Elungata, japo baadhi ya Wafanyibiashara huingiza bidhaa hizo ghushi pasipo na ufahamu, serikali imejitokeza kuwahamasisha ili kuhakikisha bidhaa bandia haziingizwi tena humu nchini.

Elungata amekanusha madai kwamba kuingizwa bidhaa gushi kumechangiwa na utepetevu wa Maafisa wa usalama na ufisadi miongoni mwa Maafisa wa mamlaka ya ushuru mipakani na hasa katika bandari ya Mombasa.

Picha kwa hisani –

Wakaazi katika eneo la Rabai kaunti ya Kilifi wameandamana mapema leo hadi katika afisi za idara ya maji eneo la Mazeras wakitaka kuelezwa kiini cha uhaba wa maji unaokumba eneo hilo.

Wakiongozwa na aliyekuwa seneta maalum Bi Emma Mbura,wakaazi hao wakiwemo wahudumu wa bodaboda wamelalamikia uhaba wa maji wakitaka hali hiyo isuluhishwe.

Kulingana na Mbura,wamekuwa wakiuziwa maji kwa gharama kubwa ya hadi shilingi 100 kwa mtungi wa lita 20.

Kwa sasa Mbura anamtaka Gavana wa Kaunti ya Kilifi Amason Jeffa Kingi kuisuluhisha hali hiyo ili kuwawezesha wakaazi hao wa Rabai na maeneo ya Chonyi kupata huduma za maji.

Wakaazi hao wameapa kuandamana kila siku hadi tatizo hilo litakapotanzuliwa.

Picha kwa hisani –

Mwakilishi wa kike kaunti ya Tana-river Bi Rehema Hassan amesema kuna haja ya bunge la kaunti hio kubuni sheria itakayoangazia masuala ya ufugaji ndani ya kaunti hio.

Akizungumza katika kaunti hio Bi Hassan amesema sheria hio itasaidia kuthibiti migogoro ya mara kwa mara kati ya jamii za wafugaji ambayo mara nyingi uchangiwa na suala la malisho ya mifugo hio.

Bi Hassan aidha amewakosoa wafugaji kutoka kaunti zengine wanaopenya katika kaunti ya Tana-river na kulisha mifugo yao katika mashamba ya wenyeji,akisema hatua hio imechangia mapigano.

Bi Hassan amewataka maafisa tawala kushirikiana na idara ya mifugo kuidhinisha sheria zitakazozuia mizozo kati ya wakulima na wafugaji.

Picha kwa hisani –

Idara ya usalama kaunti ya Kwale inashirikiana na wavuvi kutoka maeneo bunge ya Kinango na Lunga-lunga kuwanasa raia wa kigeni wanaingia humu nchini bila vibali kupitia bahari hindi.

Afisa mkuu wa polisi katika eneo bunge la Lunga – lunga Peter Nzimbi amesema idadi kubwa ya raia wa kigeni wanaoingia nchini bila vibali hutumia njia za mkato kupitia bahari hindi katika maeneo hayo.

Nzimbi amesema tayari wamefanikiwa kuwanasa raia wa kigeni walioingia nchini bila vibali baadhi wakiwa raia wa taifa la Tanzania na ambao kwa sasa wanazuiliwa na maafisa wa polisi.

Hata hivyo Nzimbi ameendelea kuwaonya raia wote wanaohusika na kuwahifadhi raia hao wa kigeni kwamba watachukuliwa hatua kali za kisheria.

Picha kwa hisani –

Katika kile kinachoonekana kama ‘ishara njema’ katika kutatua mzozo wa kidiplomasia kati ya Rwanda na Burundi, Rais wa Burundi Evariste Ndayishimiye amesema anaamini nchi hizo mbili zitakuwa tena na uhusiano mwema hivi karibuni.

Uhusiano wa Burundi na Rwanda uliingia dosari tangu mwaka 2015, baada ya kila upande kuushutumu mwingine kuunga mkono mashambulio dhidi ya mwingine.

Akizungumza na wanahabari Rais Ndayishimiye amesema utatanishi wa viongozi wa nchi hizo mbili unaonekana na pia”sababu ya mzozo inafahamika na kwamba ana imani mataifa hayo yatakua na mapatano.

Viongozi wa Burundi wanawashutumu viongozi wa Rwanda kwa kuwapa hifadhi baadhi ya watu waliojaribu kuupindua utawala wa Burundi mwaka 2015, shutuma ambazo Rwanda inazikanusha.