Monthly Archives: September 2020

Picha kwa Hisani –

Wizara ya Afya kaunti ya Kwale imeihimiza jamii ya kaunti hiyo kutembelea vituo vya Afya kupata huduma mbalimbali za kimatibabu na wala sio kuhufikia mlipuko wa janga la Corona.

Afisa wa Afya anayesimamia masuala ya afya ya uzazi katika gatuzi dogo la Matuga kaunti ya Kwale Dima Galole amesema takwimu kutoka Wizara hiyo zimeonyesha kuwa mwezi Machi hadi Juni huduma za matibabu zilikuwa zimeshuka.   

Wakati uo huo afisa huyo wa afya amesema wizara hiyo imeeka mikakati mwafaka  ya kuhakikisha wagonjwa wanaotembelea vituo vya afya wanatii masharti ya kudhibiti Corona.

Waziri wa Utalii nchini Najib Balala amewahimiza wakenya kukumbatia utalii wa kinyumbani, akisema hatua hiyo itasaidia kuenua sekta ya Utalii ambayo imesambaratika kufuatia janga la Corona.

Kwenye ujumbe wake kwa wakenya wakati wa maadhimisho ya siku ya kimataifa ya Utalii ulimwengu, Waziri Balala amesema wakenya wanafaa kushirikia ili kufufua sekta hiyo.

Balala amesema sekta ya Utalii kote ulimwenguni ikiwemo nchini Kenya imezorota kufutia mataifa mbalimbali kusitishwa safari za moja kwa moja ndege kufuatia mlipuko wa janga la Corona.

Wakati uo huo Waziri Balala amewapa changamoto Magavana wa kaunti zote 47 nchini kuhakikisha wanaibuka na mikakati itakayoboresha Utalii wa kinyumbani.

Kinara wa Chama cha Wiper Kalonzo Musyoka amewasihi wakenya kujitenga na siasa za migawanyiko, kidini na kikabila na badala yake kuangazia amani na umoja wa taifa hili.

Akizungumza wakati alipohudhuria ibada ya Jumapili katika Kanisa la Redemed eneo la Ukunda kaunti ya Kwale, Kalonzo amesema bado taifa linakabiliwa na msukosuko wa janga la Corona na ni vyema wakenya washirikiane kuboresha uchumi.

Naye Mwenyekiti wa kitaifa wa Chama cha Wiper, Balozi Chirau Ali Mwakwere amesema kaunti za Pwani zitaimarika kiuchumi na maendeleo iwapo wananchi na viongozi watajitenga na siasa za ukabila, kidini na migawanyiko ya kisiasa.

Balozi Mwakwere ameshikilia kuwa changamoto zinazoshuhudiwa katika ukanda wa Pwani zimechangiwa na siasa potovu, akiwahishi wananchi wa Pwani kushirikiana ili kubadilisha hali hiyo.

Hata hivyo Chama cha Wiper kimemuidhinisha Sheikh Mahmoud Abdulrahman kuwa mgombea wa kiti cha uchaguzi mdogo wa eneo bunge la Msambweni.

Picha kwa Hisani –

Wafanyikazi wawili wa Mahakama ya Rufaa mjini Mombasa wamenusurika baada ya paa la jengo la Mahakama hiyo kuporomoka.

Wakizungumza na Wanahabari baada ya mkaso huo, wafanyikazi katika afisi za Msajili wa kesi katika Mahakama hiyo, wamesema tangu jengo hilo kurekebishwa upya limekuwa na matatizo mengi.

Wafanyikazi hao wamesisitiza umuhimu wa kuhamishwa katika afisi zengine, wakisema jengo hilo sio salama kwa maisha yao.

Hata hivyo shuhuli zote zinazoendelea katika Mahakama hiyo zimesitishwa kwa muda usiojulikana.

Picha kwa Hisani –

Kinara wa Chama cha ODM Raila Odinga amesema ana ufahamu zaidi kuhusiana na yaliyomo ndani ya ripoti ya Jopokazi la maradhiano nchini BBI.

Odinga amesema punde tu jopokazi la BBI litakapokamilisha ripoti hiyo, maswala yote yaliyomo ndani ya ripoti hiyo yatawekwa wazi kwa wananchi kwani ripoti hiyo ina malengo muhimu kwa wakenya ikiwemo kupiga vita ufisadi.

Akizungumza wakati wa mkutano wa Wanachama cha chama cha ODM katika kaunti ya Machakos, Odinga amewashtumu vikali wanasiasa wanaopinga mchakato wa BBI, akisema ni lazima viongozi wazingatia uadilifu.

Wakati uo huo amewataka wakenya kuisoma kwa kina ripoti hiyo pindi itakapowasilishwa kwa umma ili kuhakikisha wanaiunga mkono kikamilifu.

Picha kwa Hisani –

Mshirikishi wa kitengo cha lishe bora kaunti ya Kilifi Ronald Mbunya  amesema Kaunti hio inaongoza kwa idadi ya watoto waliodumaa .

Akizungumza na wanahabari Mbunya amesema utafiti uliofanywa mwaka wa 2014 umeonyesha kuwa asilimia 31 ya watoto katika kaunti hiyo ya kilifi hawapati  lishe bora.

Mbunya ameyataja maeneo ya Ganze na Magarini kuwa miongoni mwa maeneo ambayo yameathirika zaidi na tatizo la watoto kudumaa.

Mbunya ameongeza kwamba watoto wanaozaliwa  na wanawake waliona  umri mdogo  pamoja na wale wanoishi na virusi vya Ukimwi wako kwenye hatari zaidi ya kudumaa.

Hata hivyo  ameitaka serikali ya kitaifa na ile ya Kaunti ya kilifi kuwapa msaada wa kifedha waakazi ambao watoto wao wameathirika kiafya kufuatia ukosefu wa lishe bora ili waweze kujikimu

Picha kwa hisani –

Chama cha waalimu wa shule za upili na vyuo vya kadri nchini KUPET kimeitaka serikali kufungua shule za humu nchini kwa awamu kwa kuwapa watahiniwa wa darasa la nane na kidato cha nne kipaumbele.

Akizungumza na wanahabari jijini Nairobi Mwenyekiti wa chama hicho Amboko Milemba amesema punde shule zitakapofunguliwa wizara ya fedha pia inapaswa kutuma mgao wa fedha kwa shule zote za umma nchini ilikuwezesha shule hizo kuwa na fedha za kujimudu.

Milemba vile vile ameitaka wizara ya elimu kufanya utathmini kubaini idadi kamili ya shule za kibinafsi ambazo zimefungwa kufikia sasa kwa kukosa fedha za kujimudu kipindi hiki cha corona,na wanafunzi wa shule hizo wasajiliwe katika shule za umma.

Wakati uo huo mwenyekiti huyo wa KUPPET ameitaka serikali kuhakikisha wanafunzi wote milioni 12 wa shule za msingi na kibinafsi nchini wanapewa barakoa wanapokua shuleni ili kuzuia maambukizi ya corona.

Picha kwa hisani –

Mbunge wa Likoni Bi Mishi Mboko amesema suala la usawa wa jinsia linastahili kushughulikiwa kupitia kufanyiwa marekebisho kwa katiba ya nchi.

Akizungumza na mwanahabari wetu Bi Mboko amesema katiba ya mwaka 2010 imejumuisha kipengele kinachoangazia usawa wa jinsia,na ni kupitia marekebisho ya katiba ndipo wakenya wataamua iwapo kipengele hicho kifanyiwe mabadiliko au la.

Bi Mboko amesema anaunga mkono marekebisho ya katiba kupitia BBI akisema ni kupitia mchakato huo ndipo vipengele vyenye utata katika katiba ya nchi vitabadilishwa na kumaliza mvutano wa kikatiba nchini.

Kauli yake inajiri huku kukiwa na shinikizo za kuvunjwa kwa bunge kwa kushindwa kupitisha sheria ya tuuthi mbili ya usawa wa jinsia.

Picha kwa Hisani –

Idara ya usalama imewataka wavuvi katika kaunti ya Lamu kujitokeza na kusajiliwa ili wapate vitambulisho maalum vitakavyowawezesha kutambuliwa na maafisa wa polisi wanaoendeleza oparesheni za kiusalama baharini.

Akihutubia wakaazi kamishna kaunti ya Lamu Irungu Macharia amesema zoezi la kukabidhi vitambulisho wavuvi hao linalenga kusaidia polisi kuwatambua magaidi kutoka taifa la Somalia wanaoingia kaunti ya Lamu kupitia bahari hindi.

Hata hivyo wavuvi katika kaunti hio wamelalamikia kuhangaishwa mara kwa mara na maafisa wa usalama wakisema huenda wakapitia mahangaiko hayo hata watakapopewa vitambulisho hivyo.

Haya yanajiri siku chache baada ya wavuvi wa kike katika kaunti ya Lamu kutaka kukabidhiwa vitambulisho ili wawe salama wanapoendeleza uvuvi baharini.