Monthly Archives: July 2020

Serikali itafanya kila juhudi kuhakikisha watumizi wa kivuko cha feri cha Likoni wanazingatia masharti ya kiafya ya kuzuia maambukizi ya Corona.

Mshirikishi mkuu wa utawala kanda ya Pwani John Elungata amekiri kuwa kivuko cha feri cha Likoni kinashuhudia msongamano mkubwa wa watu na magari na ni lazima mikakati iidhinishwe ili kuzuia maambukizi.

Elungata amesema kivuko hicho kinachowahudumia zaidi ya watu laki tatu na magari elfu 6 kila siku, kimekubwa na changamoto katika kuidhinisha mbinu za kuzuia maambukizi ya Corona.

Afisa huyo tawala amewataka wale wanaosimamia shughuli katika kivuko hicho kuhakikisha watumizi wanazingatia masharti ya afya na kuwazuilia wale watakaokosa kuvaa barakoa na kutumia kivuko hicho.

Picha kwa hisani –

Serikali ya kaunti ya Kwale imesema kwamba uhaba wa dawa za kutibu  ugonjwa wa Malaria katika  hospitali za kaunti hiyo umechangiwa na hatua ya serikali ya kitaifa  kukosa kusambaza dawa hizo kwa kaunti hiyo.

Mwenyekiti wa kamati ya Afya katika bunge la kaunti ya Kwale Mwinyi Mwasera amsema ni zaidi ya miezi mitatu sasa serikali ya kitaifa imekosa kusambaza dawa katika  hospitali za kaunti .

Mwasera amepinga madai kuwa hospitali na zahati za kaunti hiyo hazina dawa za kutibu magonjwa mengine, akisema madai hayo hayana msingi.

Picha kwa Hisani –

Hatimaye aliyekuwa rais wa tatu wa Jamhuri ya Muungano wa Tanzania Benjamin William Mkapa amezikwa nyumbani kwake katika kijiji cha Lupaso katika maeneo ya Mtwara nchini Tanzania.

Akizungumza wakati wa ibada ya mazishi ya Mkapa, Rais wa Jamhuri ya Muungano wa Tanzania John Pombe Magufuli, amewahimiza watanzania kujifunza kuishi maisha ya upendo na kuwatendea mema wengine.

Naye aliyekuwa Rais wa nne wa taifa hilo Jakaye Kikwete amemtaja mwendazake Mkapa kama kiongozi aliyechangia mengi nchini Tanzania kwa upando wake wa dhati yaliokuwa nao kwa taifa hilo.

Kwa upande wake Mwanasiasa mkongwe nchini humo Hassan Mwinyi amewahimiza watanzania na mataifa yote ya afrika mashariki kushirikiana katika kujenga amani katika mataifa hayo.

Marehemu Mkapa alifariki dunia akiwa na umri wa miaka 81 katika hospitali kuu ya Dar-es-salam baada ya kuugua kwa mda mfupi.

Picha kwa Hisani –

Waziri wa Afya nchini Mutahi Kagwe amevitaka vyombo vya habari nchini kuhakikisha vinawatafuta wataalum wa maswala ya kiafya wakati wanapotaka ufafanuzi zaidi kuhusu magonjwa mbalimbali hasa wakati huu wa janga la Corona.

Akizungumza katika makao makuu ya Muungano wa Madaktari nchini KMPDU, Waziri Kagwe amesema sio madaktari wote walio na ufahamu wa magonjwa yote ulimwenguni bali kila daktari ana taalum aliyobobea nayo.

Wakati uo huo amezidi kuwaonya wakenya wanaopenda kuzuru katika vilabu vya pombe, baa na mihakawa kutumia vileo, akiwataka kujitenga na sehemu hizo na badala yake kutumia fedha za kununua pombe kusaidia familia zao.

Akigusia takwimu za maambukizi ya Corona, Waziri Kagwe amesema Kenya imenakili visa 19,125 vya maambukizi ya Corona baada ya watu 544 kuthibitishwa kupata maambukizi hayo kutokana na sampuli 5,259 zilizofanyiwa uchunguzi.

Wakati uo huo amesema watu 113 wamethibitishwa kupona virusi hivyo na idadi hiyo kufikia watu 8,021 huku watu 12 wakiaga dunia.

Picha kwa Hisani –

Serikali imetangaza kuwa siku ya Ijumaa ya tarehe 31 mwezi huu, itakuwa siku ya kitaifa ya mapumziko kwa ajili ya kuwawezesha Waumini wa dini ya Kiislamu kusheherekea siku ya Idd-Ul-Adha.

Waziri wa Usalama wa ndani Dkt Fred Matiangi amechapisha rasmi tangazo hilo katika gazeti la serikali ili kuwawesha wakenya wote kumpumzika siku hiyo.

Kulingana na dini ya Kiislamu, Sikukuu ya Idd-Ul-Adha husheherekewa na Waumini wa dini hiyo kwa kuambatana na mafunzo ya Mwenyezi Mungu kwa kuchinja jinsi Nabii Ibraham alivyotoa sadaka kwa Mungu.

Sherehe za Idd-ul-Adha pia zinatamatisha Hijja ambayo hufanyika kila mwaka katika mji mtakufu wa Macca nchini Saudia Arabia.

Idara ya usalama katika kaunti ya Kwale imewaonya viongozi wa kaunti hio dhidi ya kuandaa mikutano ya kisiasa.

Kamishna wa kaunti ya Kwale Karuku Ngumo amesema atakaepatikana akivunja sheria zilizowekwa kuzuia maambukizi ya corona atakabiliwa na maafisa wa usalama kulingana na sheria.

Ngumo amewasihi machifu kuhakikisha amri iliowekwa na serikali ya kuharamisha mikusanyiko kipindi hiki cha corona inazingatiwa.

Picha kwa Hisani –

Idara ya usalama katika Kaunti ya Mombasa imesema kuwa haitamsaza yeyote atakayekiuka amri iliowekwa na serikali ya kutotoka nje kuanzia saa tatu usiku.

Mshirikishi mkuu wa Utawala Kanda ya Pwani John Elungata amesema Maafisa wa usalama watamkabili yeyote atakayekiuka amri hiyo akisema baadhi ya wakaazi na viongozi hasa katika Kaunti ya Mombasa wanakiuka sheria hiyo.

Elungata amesisitiza kwamba masharti yote yaliyotolewa na Rais Uhuru Kenyatta ikiwemo kusitishwa kwa uuzaji pombe katika mikahawa yanapaswa kuzingatiwa kikamilifu.

Picha kwa hisani

Mvutano unaendelea kushuhudiwa katika bunge la Seneti kuhusiana na hoja ya kujadili mfumo mpya wa ugavi wa fedha zinazotengewa serikali za kaunti baada ya Seneti wa Siaya James Orengo kupendekeza kuhairishwa kwa kikao hicho.

Hatua ya Seneta Orengo imetokana na kushuhudiwa kutoafikiana kwa maseneta kuhusu mfumo huo umpya wa ugavi wa mapema, wengine wakiunga mkono huku wengine wakiupinga kwa misingi kwamba utahujumu maendeleo ya kaunti.

Hata hivyo ilimlazima spika wa bunge hili Ken Lusaka kutumia kipengele cha 105 cha vikao vya bunge na maseneta kupiga kura kuendelea kujadiliwa kwa hoja hiyo hadi mwafaka upatikane.

Kwa sasa kikao hicho cha kujadili hoja ya mfumo mpya wa ugavi wa mapato nchini kinaendelea huku maseneta wakitofautiana kuhusiana na mapendekezo ya Tume ya ugavi wa mapato nchini CRA.

Picha kwa Hisani –

Afisi ya mkurugenzi wa mashataka ya umma nchini imezindua muongzo mpya wa kushughulikia kesi chini ya afisi hio.

Akizungumza wakati wa hafla hio inspekta jenerali wa polisi nchini Hilary Mutyambai amesema tangu mkurugenzi wa mashataka ya umma Noordin Hajji kuchukua hatamu ya uongozi kumekua na mabadiliko katika kushughulikia kesi za uhalifu.

Mutyambai amepongeza kuidhinishwa kwa mfumo huo akisema idara ya polisi nchini pia inafanya mipangilio kuendeleza huduma zake kupitia mfumo wa kidijitali kama ilivyofanya idara ya mahakama.

Hafla hio ambayo bado inaendelea imehudhuriwa na jaji mkuu nchini David Maraga,rais wa chama cha mawakili Nelson Havi,afisa mkuu wa tume ya EACC Twaliba Mbarak ,na waziri wa usalama wa ndani Fred Matiang’i.

Picha Kwa Hisani

Mwili wa kijana anayedaiwa kufariki katika kituo cha polisi cha Kijipwa kule Vipingo kaunti ya Kilifi umefanyiwa upasuaji katika hospitali kuu ya Kilifi.

Wakizungumza na Wanahabari baada ya kushuhudia upasuaji wa mwili huo,hapo jana  Mashirika ya kutetea haki za kibinadamu yakiongonzwa na Shirika la Haki Afrika yamesema kifo cha kijana huyo kilichangiwa na kukosa hewa.

Kulingana na Afisa wa Shirika la Haki Africa Harriet Muganda, visa vya watu kujinyonga katika vituo vya polisi katika kaunti ya Kilifi vimekithiri na kuwataka maafisa wa usalama kuchunguzwa.

Kwa upande wake mmoja wa familia ya Marehemu Samson Chege amesema kwa sasa familia haijafanya uamuzi wowote kuhusiana na ripoti ya upasuaji ya mwendazake.

Kijana huyo alifariki siku ya Jumanne usiku wiki iliopita katika kituo cha polisi cha Kijipwa kule Vipingo kaunti ya Kilifi katika mazingira tata.