March 2020 – Radio Kaya

SERIKALI YA KITAIFA IWEKE MIKAKATI YA KUZIPA CHAKULA FAMILIA MASIKINI ASEMA MWAKILISHI WA WADI YA MKONGANI

March 31, 2020 by Radio Kaya

Serikali ya kitaifa imetakiwa kuweka mikakati mwafaka itakayohakikisha wananchi wanaotoka katika familia maskini wanapata chakula wakati huu ambapo serikali imetoa marufuku ya kutotoka nje.

Mwakilishi wa wadi ya Mkongani kaunti ya Kwale Ndoro Mweruphe amesema iwapo serikali inataka kudhibiti kusambaa kwa virusi vya Corona basi infaa kutekeleza mpango huo.

Mweruphe amesema tayari baadhi ya mataifa ambayo yaliweka marufuku ya kutotoka nje wamesambaza chakula kwa wananchi wao na hali hiyo imepunguza virusi hivyo katika mataifa hayo.

Wakati uo huo ameongeza kuwa bunge la kaunti ya Kwale limesitisha shughuli zake hadi hali itakaporejea kuwa shwari.

RADIO KAYA YAZINDUA WIMBO WA CORONA KUTOKA KWA WANAMUZIKI 11 WA PWANI

March 31, 2020 by Radio Kaya

uhondo

Wanamuziki kumi na mmoja kutoka Pwani ya Kenya wameshirikiana na kuachilia ngoma yao mpya inayoitwa Corona. Wimbo huu unaelezea hali ya maambukizi ya virusi vya Corona nchini pamoja na kuielimisha jamii kuhusu jinsi watakavyoweza kupunguza usambazaji wa ugonjwa huu ambao ni janga la kimataifa.

Wasanii hao kumi na moja ni pamoja na Sanova kutoka Kwale, Davy Gze kutoka Likoni, Fat-S kutoka Likoni, Dogo Richie kutoka Bamburi, Ziky Mtanah kutoka Kinango, Denno Mkali kutoka Mariakani, Happy C kutoka Kaloleni, Mnyamwezi kutoka Malindi, Medallion kutoka Kilifi, Mlole Classic kutoka Taveta na Ally B kutoka Mishomoroni.

Wimbo huo wa dakika tano umetengezwa na Producer Bang Belly kutoka recording label ya Waghetto. Kupitia kwa njia ya simu na Radio Kaya, Bang Belly amewashukuru pia producer wengine wakiwemo, Dhilly Dhilly kutoka Cracksound records, Emmy D kutoka Dallaz records, Burning Ice kutoka Trace Music, Sherrif na Mobiz kutoka Tundersound records, MPK kutoka upward music na Sanova kutoka Nova records, ambao walihusika kuwarecord wasanii kutoka maeneo ya mbali na kumtumia vocals zao ili aziunganishe kwa wimbo mmoja.

Kupitia kwa njia ya simu na Radio Kaya, Producer Bang Belly alifichua kwamba walishirikiana na watangazaji wa kipindi cha Kaya Flavaz, Robby Dallaz na Caroline Mkamburi kuandaa ngoma hiyo. Pia, aliishukuru stesheni hiyo kwa kuufadhili mradi huo na kwa kuwa mstari wa mbele kukuza vipaji vya wasanii wa Pwani.

Mnyamwezi: ‘Barakah The Prince alinialika Tanzania kufanya collabo.’

March 31, 2020 by Radio Kaya

uhondo

Mwanamziki wa mitindo ya ragga na R n B kutoka eneo la Malindi, Kaunti ya Kilifi, Mnyamwezi, afichua kuwepo kwa mipango ya kufanya kazi na msanii wa bongo flavaz kutoka Tanzania, Barakah the Prince. Msanii huyo amethibitisha haya kupitia njia ya simu na Radio Kaya.

Kulingana na Mnyamwezi, Barakah alipenda kazi yake alipokuwa ana cut and raise kwenye show ya Mauzo classic iliyojumulisha performances za Colonel Mustapha, Brown Mauzo na Barakah the prince ambayo ilifanyika Manyatta eneo la Diani, Kaunti ya Kwale mkesho wa kuvuka mwaka.

Kupitia kwa njia ya mahojiano ya simu, Mwanamziki huyo kutoka Tanzania alidokeza kuwa ana imani kubwa sana na msanii huyo na kuwa angemtaka Mnyamwezi kwenda Tanzania kwa gharama yake ili kufanya kazi naye.

Hii ni baada ya Barakah the prince kutangaza kuregea kwenye sanaa ya muziki baada ya kukaa kimya kwa muda sasa, na kutoa ngoma yake mpya siku ya kumbukumbu ya kuzaliwa kwake Machi 14,2020 iliyojulikana kama “Nimekoma”

Aidha sasa mashabiki wa wasanii hao wanangoja kazi hiyo mpya inayotarajiwa kufanywa hivi karibuni baada ya shirika la afya duniani WHO, kuweza kulidhibiti janga linalotukumba ulimwenguni la virusi vya korona (COVID-19)

USALAMA KUIMARISHWA ZAIDI KATIKA GATUZI DOGO LA MATUGA ASEMA OCPD – FRANCIS NGULI

March 24, 2020 by Radio Kaya

featured, news

Idara ya usalama kaunti ya Kwale imedai kuwa usalama utaimarishwa kikamilifu katika kila eneo ili kuhakikisha visa vya utovu wa usalama havishuhudiwa wakati huu ambapo taifa linakabiliana na janga la Corona.

Afisa mkuu wa polisi eneo la Matuga Francis Nguli amesema maafisa wa polisi wa kutosha watatumwa nyanjani kuhakikisha hakuna visa vyovyote vya utovu wa vinashuhudiwa.

Katika swala la magari ya uchukuzi wa umma, afisa huyo wa polisi amesema abiria watakaokaidi agizo la serikali la kukuabiri magari ya umma wakiwa kidogo watachukuliwa hatua.

ABIRIA WANALALAMIKIA KUPANDA KWA NAULI – KWALE

March 23, 2020 by Radio Kaya

news

Wakenya wanaotumia magari ya uchukuzi wa umma katika kaunti ya Kwale, sasa watalazimika kulipa nauli zaidi kutoka mjini Kwale hadi Mombasa.

Hii ni baada ya wahudumu wa magari hayo kuongeza nauli kutoka shilingi 130 hadi shilingi 200, kutokana na serikali kuwaagiza wahudumu hao kubeba abiria 8 pekee katika matatu za kubeba abiria 14.

Mmoja wa wahudmu wa magari hayo, Hamsisi Mwalimu Majaliwa amesmea wamechakua hatua hiyo ili kukidhi hali ngumu ya maisha.

RICKY MELODIES – The King Of Nzele Music

March 23, 2020 by Radio Kaya

featured, uhondo

VANNELSARICK MADIBA BAYA , watu hawatakuelewa aidha labdha litakuwa ni jina la kigeni kwao, lakini unapotaja “ Ricky Melodies“ hapo watu wengi hasa washikadau na mashabiki wa muziki wa Bango watakuelewa kwa urahisi kuwa unamzungumzia msanii mkali sana anayefanya vizuri katika tasinia ya muziki wa Bango.

Ricky Melodies anafanya muziki wake wa bango katika studio za Ricky Records akiwa yeye mwenyewe ndiye prodiuza. Labdha usilolijua ni kuwa Ricky Melodies yuko na Band yake inayojulikana kama Fantansy Music. Katika safari yake ya uimbaji,yeye ndo Lead Singer wa band hii ya Fantansy Band.

Baada ya kuchezesha kikosi cha KDF nchini kwa wimbo wake wa KDF crew, alirudi studioni na kufanya wimbo uliovuma zaidi uliofahamika kama Bango Rifike,japo kuna baadhi ya mashabiki waliutohoa wimbo huu na kuupa jina jipwa la Bango Ridzulu kulingana na misitari fulani iliyotumika katika wimbo huu,wimbo huu uliopendekeza bango lifike hadi Somalia, kwa kweli ulikuwa ” Hit Song” kulingana na utani uliotumika kwenye misitari.

Safari hii aliamua kuungana na wasanii wengine wawili wanaofanya vizuri pia,wa kwanza akiwa ni ”Kaka Brayoo” aliyevuma na kibao chake ”Unanimala Maneno” wapili akiwa”Fadhil Bavyombo” anayejulikana kwa wimbo wake wa ”Kadzuchi” wote hawa waliungana na kufanya kolabo ya wimbo mpya unaoitwa ‘’Screen Short’’ wimbo huu ulipokamilika chini ya uongozi wa Ricky Melodies mashabiki waliupokea vyema kupitia RADIO KAYA ukichezwa kwa mara ya kwanza kabisa kwenye kipindi cha Misakato Ya Bngo chini ya nahodha DktrKeysherb a.k.a Dakitari wa Mapenzi.

Ricky – Melodies, The king of Nzele Music

GENYE-GENYE YATAMBA AFRIKA MASHARIKI

March 20, 2020 by Radio Kaya

gallery, uhondo

Ally B, msanii aliyevuma kwa vibao motomoto hapo awali kama vile; Mariah, Bembea,Kadzo miongoni mwa vibao vingi tu, kisha ghafla akapotea kwenye ‘game’ …Mashabiki na washika dau wa muziki wa kizazi kipya kanda ya Pwani walimiss sana Flavour ya muziki wake lakini hakuna aliyefahamu siri ya msanii huyu ilikuwa ni nini.

Baada ya hayo yote,Ally B aliamua kuvunja ukimwa na kurudi studioni lakini safari hii akiwa na rafiki yake wa jadi aliyekuwa kijana wake wa mkono wakati huo katika shughuli za uimbaji,walikaa chini katika Recording studio ya Kay-G Records & Kay-G Films chini ya uongozi wa Prodiuza Totti,na kuamua kufanya bonge la track iliyokwenda kwa jina la GENYE GENYE – Aliomshirikisha kijana wake wa jadi almaarufu, Masauti a.k.a Kenyan Boy.

Baada ya audio kutrend midomoni mwa washika dau wa muziki wa Pwani,pamoja na mashabiki, Ally B na Masauti waliamua kufanya bonge la video chini ya ufadhili wa Radio tajika/na maarufu zaidi katika mkoa wa Pwani RADIO KAYA. Baada ya video kukamilika chini ya ufadhili wa RADIO KAYA,Mkurugenzi wa kituo hiki aliamua kufanya tamasha kubwa la ku launch video hii katika Club Lambada – Mtwapa.

Baada ya tamasha la uzinduzi wa video hii kukamilika,Ally B alipata umaarufu zaidi nchini kwa kupata mialiko katika vituo vya redio na vituo vya runinga kote nchini na hata nchi jirani. Kulingana na Ally B – Genye Genye ndio wimbo pekee uliomtambulisha zaidi Afrika. “Hakika Genye Genye ilikill” Ally B akifunguka.

MAAFISA WA AFYA WA NYANJANI WALIOKUWA MAPUMZIKONI KUREJEA KAZINI ILI KUENDELEZA HAMASA KUHUSU UGONJWA WA CORONA – KWALE

March 18, 2020 by Radio Kaya

featured, Fresh News, news

picha ya mmoja wa wahudumu

Wizara ya afya kaunti ya Kwale imelazimika kuwaagiza maafisa wa afya wa nyanjani waliokua mampumzikoni kurejea kazini ili waendeleze hamasa za nyumba hadi nyumba kuhusu ugonjwa wa Corona.

Waziri wa afya katika serikali ya kaunti ya Kwale Francis Gwama amesema maafisa hao tayari wamepewa mafunzo ya kutosha kuhusiana na ugonjwa ambao visa vya maambukizi vinazidi kuongezeka nchini.

Gwama vile vile amewataka wakaazi wa kaunti hio ya Kwale kupiga ripoti kwa vitengo husika punde wanapohisi kuwa na dalili za maambukizi ya ugonjwa huo.

VIJANA WANAOSHUKIWA KUMUUA MWANAMUME MMOJA MSHUKIWA WA VIRUSI VYA CORONA WASAKWA – KWALE

March 18, 2020 by Radio Kaya

featured, Fresh News, news

Picha kwa hisani

Maafisa wa polisi katika eneo la msambweni kaunti ya Kwale wanawasaka vijana wanaoshukiwa kuhusika na mauaji ya mwanamume mmoja yaliotekelezwa katika eneo la kibundani kaunti ya Kwale.

Taarifa kutoka kwa maafisa wa polisi imeeleza kwamba kundi la vijana lilimvamia mwanamume huyo aliekua mlevi kwa jina George Hezron Kotini mwendo wa saa tatu usiku hapo jana na kumpiga kwa kisingizio kwamba ana maambukizi ya virusi hatari vya Corona.

Inaafiwa kwamba polisi walifika katika eneo la mkasa na kumpata mwanamume huyo akiwa na majeraha mabaya kabla ya kumkimbiza katika hospitali ya rufaa ya msambweni amabako aliaga dunia.

BUNGE LA KAUNTI YA KWALE KUSITISHA SHUGHULI ZAKE KUFUATIA TISHIO LA MAAMBUKIZI YA VIRUSI VYA CORONA

March 18, 2020 by Radio Kaya

featured, Fresh News, news

Bunge la kaunti ya Kwale linatarajiwa kusitisha shughuli zake kuanzia hapo kesho kufuatia tishio la maambukizi ya virusi va Corona.

Mwenyekiti wa kamati ya bunge la kaunti ya Kwale kuhusu afya Mwinyi Mwasera amesema shughuli za bunge hilo zitasitishwa kwa muda wa siku 15 kwa kuzingatia agizo lililotolewa na serikali la kusitishwa kwa makongamano.

Mwasera vile vile amesema kuwa wameeka mikakati hitajika ya kukabiliana na maambukizi ya virusi vya Corona ndani ya kaunti hio.

Monthly Archives: March 2020

SERIKALI YA KITAIFA IWEKE MIKAKATI YA KUZIPA CHAKULA FAMILIA MASIKINI ASEMA MWAKILISHI WA WADI YA MKONGANI

RADIO KAYA YAZINDUA WIMBO WA CORONA KUTOKA KWA WANAMUZIKI 11 WA PWANI

Mnyamwezi: ‘Barakah The Prince alinialika Tanzania kufanya collabo.’

USALAMA KUIMARISHWA ZAIDI KATIKA GATUZI DOGO LA MATUGA ASEMA OCPD – FRANCIS NGULI

ABIRIA WANALALAMIKIA KUPANDA KWA NAULI – KWALE

RICKY MELODIES – The King Of Nzele Music

GENYE-GENYE YATAMBA AFRIKA MASHARIKI

MAAFISA WA AFYA WA NYANJANI WALIOKUWA MAPUMZIKONI KUREJEA KAZINI ILI KUENDELEZA HAMASA KUHUSU UGONJWA WA CORONA – KWALE

VIJANA WANAOSHUKIWA KUMUUA MWANAMUME MMOJA MSHUKIWA WA VIRUSI VYA CORONA WASAKWA – KWALE

BUNGE LA KAUNTI YA KWALE KUSITISHA SHUGHULI ZAKE KUFUATIA TISHIO LA MAAMBUKIZI YA VIRUSI VYA CORONA

CONTACT US

QUICK LINKS