Monthly Archives: May 2019

Wakenya milioni 2.5 ni waraibu wa tumbaku

Mkurugenzi mkuu wa Shirika la Reachout Centre Trust’ Taib Abdulrahman. Picha/ Reach Out Centre Trust

Taarifa na Alphalet Mwadime

Mombasa Kenya, Mei 31- Zaidi ya Wakenya milioni 2.5 humu nchini wamezama katika uraibu wa tumbaku.

Akiyafichua hayo katika kumbukumbu za siku ya kukabiliana na utumizi wa tumbaku mjini Mombasa, Mkurugenzi mkuu wa Shirika la Reachout Centre Trust’ Taib Abdulrahman amesema utumizi wa tumbaku hasa uvutaji sigareti miongoni mwa vijana wadogo umekithiri katika ukanda huu.

Taib ameishinikiza Serikali kuweka sera na sheria mwafaka zitakazodhibiti utumizi wa tumbaku nchini, akisema uraibu huo umechangia maradhi mengi yanayofungamana na mapafu.

Mkereketwa huyo wa kupambana na uraibu wa dawa za kulevya nchini amehoji kuwa wengi wa waraibu huo wameanzia katika hatua ya sigareti na, akiutaja utumizi wa tumbaku kama uliyo na athari kubwa kiafya.

Mahakama kuamua hatma ya kesi kuhusu usimamizi wa bandari ya Mombasa

Mombasa Kenya, Mei 28 – Mahakama ya rufaa mnamo tarehe 26 mwezi Septemba mwaka huu itaamua iwapo kesi kuhusu usimamizi wa bandari ya Mombasa itaendelea kusikizwa au.

Majaji watatu wa mahakama hiyo Patrick Kiage, Mohammed Warsame na Agnes Murgor wameiambia mahakama hiyo kwamba watatoa uamuzi wao Septemba tarehe 26 baada ya Wakaazi watatu wa Kaunti ya Mombasa William Ramogi, Gerald Kitti na Asha Omar walitaka ufafanuzi wa kikatiba kuhusu umiliki wa Bandari ya Mombasa.

Watatu hao wanataka usimamizi wa Bandari ya Mombasa usimamiwe na Serikali ya Kaunti ya Mombasa wakisema kwamba kuhamishwa kwa shughuli nyingi za ukaguzi na kupasishwa makasha katika Bandari ya Mombasa umehamishiwa katika bandari kavu ya ‘Inland Container Terminal’ Jijini Nairobi.

Watatu hao wanasema kwamba kupelekwa kwa shughuli nyingi za Bandari ya Mombasa katika eneo hilo la kuegesha makasha Jijini Nairobi kumepelekea shughuli nyingi katika sekta ya uchukuzi wa makasha kupitia barabara ya lami kufungwa baada ya maafikiano kati ya Bandari ya Mombasa na Shirika la reli nchini kwamba makasha yasafirishwe kupitia barabara ya reli ya kisasa SGR.

Michezo ya shule yaupili yaanza rasmi Kwale

Taarifa na Rasi Mangale

Kwale , Kenya, Mei 24 – Michezo ya shule za upili kwa muhula wapili zimeanza huku Zone Ya Tsimba Golini michuano hiyo ikifanyakika katika shule  ya upili ya mabweni ya wabvulana ya Kwale

Wa kina dada wa Kwale wameanza vyema kwa kuwanyeshea Mwamgunga Girls mabao 16-0 kwenye mechi yao ya kwanza.

Kulingana na Nohodha wa klabu ya Kwale Milka Omondi amesema lengo lao ni kwenda hadi ngazi ya kitaifa msimu huu:

Wavulana chni ya umri wa miaka 16,

Kwale high 4-0 Golini.

Kwenye soka wavulana wasiozidi umri wa miaka 19 ,

Mechi ya kwanza Golini 0-0 Tsimba

Mechi ya pili St. Marys 1-1 Jororoni.

Upande wa wasichana kwa umri usiozidi 19

Kwale girls 16-0 Mwamgunga

Tsimba 0-0 Golini

Golini 0- 11 Kwale

Mwamgunga 0-0 Tsimba

 

Upande wa Volibali kwa wavulana

Kwale wamewalima Tsimba seti tatu kavu ikiwa ni 25-13,25-16,25-22.

Kwale wakarudi tena na kuwtandika Golini seti tatu bila ,kwa 27-25, 25-19 ,25- 22

Nao golini wakawapiga Tsimba seti atu bila jawabu ,ikiwa ni  25-18, 25-20 ,25-16

 

Voliboli kwa kina dada

Kwale ikaicharaza Tsimba seti 3-0., 25-8, 25-9 ,25-10,

Golini wakatoa kijasho Mwamgunga seti tatu kavu , 25-10,25-8 ,25-10

Golini wanatamba tena kwa kuilaza Tsimba seti tatu bila ,25-3, 25-8, 25-6

Nao vipusa wa Kwale wakawaduwaza wenzao wa Mwamgunga kwa kuwalima seti tatu kwa sufuri,25-3, 25-4,25-5.

Kwenye netboli; Kwale gilrs wakawatitiga Golini mabao 25-15, Kwale wakapiga Tsimaba mabao 45-1, Huku Golini wakawanyeshea Tsimba mabao 38-1.

Mechezo hiyo inatendelea hapo kesho.

Wakaazi wa Kadzandani waomba kujengewa mitaro ya maji

 

Taarifa na Sammy Kamande.

Wakaazi wa Kadzandani eneo bunge la Nyali kaunti ya Mombasa wameitaka serikali kuu na ya kaunti ya Mombasa kutengeneza mabomba ya kupitisha maji taka katika eneo hilo.

Hii ni baada ya jamaa mmoja mwenye umri wa makamo aliyefahamika kwa jina Hamisi kudaiwa kufariki baada ya kuzama maji yaliyozaga mtaa wa Soweto.

Kulingana na Eunice Bozo mmoja w awakaazi wa eneo hilo, baadhi ya nyumba zimebakia mahame huku akidai maji kufurika na kuingia hadi katika nyumba za wakaazi.

Aidha Bozo amedai chanzo cha kujaa maji katika eneo hilo ni kutokana na mitaro michache ya kupitishia maji ya mvua.

 

Mali ya thamani isiyojulikana yatekeketea Diani

Taarifa na Mwanaamina Faki

Mali ya thamani isiojulikana imeteketea moto katika eneo la Diani kule Ukunda kaunti ya Kwale.

Hamisi Mwero mkaazi wa eneo hilo, amesema hakuna kilichoweza kuokolea wakati wa mkasa huo wa moto licha ya juhuzi zao za kujaribu kuuzima moto huo ambao umetekeleza nyumba nzima.

 

Mwero amesema japo chanzo cha moto huo hakijabainika lakini polisi tayari wamefika kwenye eneo la mkasa kuanzisha uchunguzi.

Magari ya wazima moto kutoka kaunti ya Kwale yaliwasili kwenye eneo la mkasa huo kusaidia kuuzima moto huo licha ya kufika kuchelewa.

Maafisaa wa kaunti watano wakamatwa kwa ufujaji wa pesa Kilifi

Taarifa na Charo Banda.

Maafisa wa tume ya EACC tawi la Malindi wamewatia nguvuni maafisa watano wa kaunti ya Kilifi pamoja na mkurugenzi wa kampuni ya Capital solutions kwa kujihusha na ufisadi.

Maafisa wa kaunti ya kilifi akiwemo Patience Umazi,John Mwangi , Sophie Mnyamai, Mohamed Silas Chuba , Julius Mwaidza pamoja na mkurugenzi wa kampuni hiyo ya Capital Solutions Serah Musyimi wametiwa kwa kupitisha zabuni ya ununuzi wa mashua ya uokozi kwa shilingi milioni 14 na laki nane kinyume cha sheria.

Katika taarifa kwa vyombo vya habari mkurugenzi wa tume ya EACC kanda ya Pwani Njeru Gishangi amesema sita hao walitekeleza ubadarifu wa fedha hizo mnamo mwaka wa 2016 hatua iliyopelekea maafisa wa EACC kuanzisha uchunguzi wa kina.

Maafisa hao ambao wamehojiwa kwa takriban masaa sita katika afisi za EACC huko Malindi wanazuiliwa katika kituo cha polisi cha Malindi na wanatarijiwa kufikishwa mahakamani hapo kesho.

Watetezi wa haki za binadamu wanaoeneza uongo kukamatwa Mombasa

Taarifa na  Gabriel  Mwaganjoni.

Mombasa, Kenya Mei 23 – Kamanda mkuu wa Polisi Kaunti ya Mombasa Johnston Ipara amewataka polisi kuwatia nguvuni mara moja watetezi wa haki za binadamu wanaoneza habari za uongo kuhusiana na swala la usalama katika Kaunti hiyo.

Ipara amesema kwamba wanaharakati hao wamekuwa wakiendeleza habari za uchochezi kwamba wakaazi wa eneo la likoni wanadungwa sindano na wahalifu kama mbinu mpya ya kutekeleza uhalifu katika eneo hilo.

Akizungumza katika eneo la Shika adabu huko Likoni, Ipara amesema kwamba baadhi ya mashirika hayajatekeleza majukumu yao kikamilifu katika kushirikiana na idara ya usalama na wakaazi wa kaunti hiyo kuhakikisha maswala msingi ya kijamii yanatiliwa mkazo.

Kwa upande wake Kamishna wa Kaunti ya Mombasa Evans Achoki ameyakosoa baadhi ya mashirika ya utetezi wa haki za kibinadamu kwa kutowajibika majukumu yao.

Naibu Gavana amtaka rais kutatua mzozo wa ardhi Kwale

Naibu Gavana wa kaunti ya Kwale Bi Fatuma Achani, amemtaka rais kuingilia kati katika mzozo wa ardhi kati ya wakaazi wa Kanana na kampuni ya sukari ya KISCOL. 

Taarifa na  Salim   Mwakazi.

Kwale, Kenya, Mei 23 – Naibu gavana wa kaunti ya Kwale Bi Fatuma Achani amemsihi rais Uhuru Kenyatta kuingilia kati mzozo wa ardhi unaoendelea kati ya wakazi wa Kanana katika eneo la Pongwe/Kikoneni na kampuni ya  sukari ya KISCOL.

Akihutubia wanahabari katika eneo bunge la Lungalunga,Achani amefichua kuwa wakaazi wengi eneo hilo na Kwale kwa jumla hawana hati miliki za ardhi zao na wanapaswa kukabidhiwa stakabadhi hizo muhimu.

Achani amesema kila miradi inayowekezwa kaunti ya Kwale unafaa kuwafaidi wakaazi.

OMO na UBER zinakupa fursa ya kipeke ya kufanya mema Ramadan hii

Kampuni ya Uniliver inayotengeneza sabuni ya kufulia ya Omo kwa ushirikiano na kampuni ya usafiri ya Uber inakupa fursa ya kutenda mema mwezi huu mtukufu wa Ramadan.

Kampuni hizi mbili zinakupa fursa ya kipekee ya kupeana nguo, chakula na bidhaa zenginezo zisizoharibika kwa haraka kwa wale wasiojiweza katika jamii kupitia app ya Uber mjini Mombasa.

Shiriki katika juhudi hizi kwa:

1.Kufungua app yako ya Uber kati ya saa sita mchana na saa nane mchana (12pm – 2pm) siku ya Jumamosi ya tarehe 25 May 2019.

2. Enda kwa sehemu ya ‘UberCARE’

3. Weka sehemu ambayo upo na ungependa kufuatwa.

4. Bonyeza kitufe cha UberCARE ili kuitisha huduma ya bure ya UberCARE

5. Iwapo utafanikiwa UberCARE itafika mlangoni kwako kuchukua mchango wako. Iwapo hutafanikiwa endelea           kuweka ombi lako hadi ufanikiwe.

6.Uber CARE inapokaribia toka nje ya nyumba ili iwe rahisi kwa dereva kuchukua mchango wako.