Picha kwa hisani –

Chifu wa lokesheni ya Golini katika eneo bunge la Matuga kaunti ya Kwale Ali Matsudzo amefariki dunia  baada ya kuugua kwa muda mrefu.

Kulingana na naibu chifu wa eneo hilo Changoma Mbwana, marehemu alifariki jana  jioni katika hospitali ya Kwale baada ya hali yake ya afya kudorora.

Mbwana amesema kuwa chifu huyo alikuwa akiugua magonjwa tofauti yakiwemo kisukari na shinikizo la damu kwa muda sasa.

Hata hivyo, Kamishena  wa kaunti ya Kwale Karuku Ngumo amekanusha madai ya kuwa  chifu huyo amefariki  kutokana na ugonjwa wa corona.

Ngumo amesema licha ya chifu huyo kugonjeka, chanzo cha kifo chake hakijabaika  baada  ya ripoti kamili kutolewa na madaktari.

Marehemu atazikwa leo nyumbani kwao mwendo wa saa saba mchana  katika eneo la Ziwani.