Picha kwa Hisani –

Waziri wa afya nchini Mutahi Kagwe na Katibu mkuu katika wizara hiyo Susan Mochache wamekana madai kuwa wamehusika katika uwizi wa fedha zilizotengwa kudhibiti virusi vya Corona.

Ni wiki moja sasa ambapo kumekuwa na madai kwamba maafisa katika wizara hiyo ya afya na wale wa Taasisi ya kusambaza dawa nchini Kemsa wamekuwa wakielekezeana lawama kuhusu nani wa kulaumiwa  kwa  kupotea kwa mabilioni ya fedha .

Katibu  Mochache  amekana  madai kuwa aliamrisha taasisi ya Kemsa kununua baadhi ya vifaa na pia akana  lawama  kuwa alitoa orodha ya kampuni zinazostahili kupewa zabuni .

Kauli ya wawili hao imejiri huku wabunge katika bunge la kitaifa wakitaka serikali kusimamisha ulipaji wa  fedha takrbani shilingi milioni  148 kwa kampuni ambazo zilipewa jukumu la kuagiza vifaa vya kudhibiti virusi vya Corona.

Mbunge wa Mbeere Kaskazini na pia mwanachama wa kamati  ya afya bungeni  Muriuki Njagagua amesema kuwa vifaa hivyo viliagizwa kwa njia zisizo halali.